Aqmolada 21 jastaǵy mototsıklshi jol apatynan kóz jumdy
KÓKShETAÝ. QazAqparat - Aqmola oblysynyń Şýchınsk qalasynda jol apaty bolyp, 21 jastaǵy mototsıklshi jansaqtaý bóliminde kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimeti boıynsha oqıǵa mamyrdyń 23-de saǵat 19.20 oryn alǵan.
«GAZ 53» kóliginiń júrgizýshisi Şýchınsk qalasynyń 42 jastaǵy júrgizýshisi úı aýlasynan jolǵa shyqpaq bolǵan kezde Abylaı han kóshesiniń boıymen júrip kele jatqan 1998 jylǵy mototsıkl júrgizýshisimen soqtyǵysty», - deıdi Aqmola oblysynyń PD baspasóz hatshysy Gúlnar Pınchýk.
Jol-kólik oqıǵasynan mototsıklshi aýrhanaǵa jetkizilip, búgin jansaqtaý bóliminde kóz jumdy.
«Oqıǵaǵa baılanysty QR 345-babynyń 3-bóligi boıynsha is qozǵalyp, sotqa deıingi tergeý amaldary júrgizilýde. Sot-medıtsınalyq jáne avtotehnıkalyq saraptama taǵaıyndaldy. Osy arqyly jol apatyndaǵy árbireýiniń kinási anyqtalady», dep tolyqtyrdy vedomstvodan.
