Aqmolada 200 tonnadan astam shópti órtep ketken kúdiktiler izdestirilip jatyr
KÓKShETAÝ. QazAqparat – Aqmola oblysynyń polıtsııa qyzmetkerleri sharýashylyqtyń 200 tonnadan astam shóbin órtep, 5 mıllıon teńge shyǵyn keltirgen kúdiktilerdi izdestirip jatyr, dep habarlaıdy QazAqparat tilshisi oblystyq polıtsııa departamenti baspasóz qyzmetine silteme jasap.
Vedomstvonyń málimetinshe, qarashanyń 18-de tańǵy saǵat 07:18 Jaqsy aýdandyq polıtsııasynyń kezekshi bólimine Esil aýylynyń aýmaǵynda qysqa daıyndalǵan shóptiń órtenip jatqany jaıly aqparat túsken.
Oqıǵa ornyna jetken tártip saqshylary shóptiń «Imran Agro» JShS tıesili ekenin anyqtady. Órtten 200 tonnadan astam qysqy mal azyǵy janyp ketken.
Shyǵyn kólemi 5 mıllıon teńgeden asady.
«Qazirgi kezde osyǵan baılanysty Qylmystyq kodekstiń 202-babynyń 2-bóligi 5-tarmaǵy boıynsha qylmystyq is qozǵalyp, kúdiktilerdi anyqtaý boıynsha jedel izdestirý sharalary júrip jatyr» deıdi vedomstvodan.
