Aqmolada 1,8 mlrd teńge turatyn orman qory memleketke qaıtaryldy
ASTANA. KAZINFORM — Aqmola oblysynda quny 1 mlrd 800 mln teńge turatyn orman qorynyń jer ýchaskeleri memleket menshigine berildi.
Bulandy aýdany prokýratýrasy týrıstik klasterdiń damýyna kedergi keltiretin problemalyq máselelerdi sheshý maqsatynda orman zańnamasy talaptarynyń saqtalýyn turaqty túrde taldap keledi.
Tekserý nátıjesinde orman paıdalanýshylar memlekettik orman qorynyń jer ýchaskelerin maqsatty túrde — saýyqtyrý, rekreatsııalyq, týrıstik jáne sporttyq maqsattar úshin paıdalanbaıtyny anyqtaldy.
— Prokýrorlyq qadaǵalaý sharalarynyń nátıjesinde jalpy kadastrlyq quny 1 mlrd 800 mln teńge turatyn memlekettik orman qorynyń jerleri memleketke qaıtaryldy. Bul ýchaskeler keıinnen týrıstik bıznesti uıymdastyrý úshin áleýetti ınvestorlarǵa berý maqsatynda qarastyrylmaq. Osy baǵyttaǵy jumys jalǵasady, — delingen habarlamada.
Buǵan deıin Aqmola oblysynda prokýrorlardyń yqpalymen 788 gektar jer memleketke qaıtarylǵany belgili boldy.
