Aqmolada 14 jastaǵy qyzdy óltirdi dep kúdikke ilingen adam qamaýǵa alyndy

ASTANA. KAZINFORM — Aýyr qylmys jasady dep aıyptalǵan kúdikti bir táýlikke jetpeı Aqmola oblysy Tselınograd aýdany Rodına aýylynyń mańynda ustaldy, dep habarlaıdy Polisia.kz.

ІІM málimetinshe, tergeý barysy polıtsııa departamenti basshylyǵynyń erekshe baqylaýyna alynǵan. 

— Qazirgi ýaqytta kúdikti ýaqytsha ustaý ızolıatoryna qamaldy. Tergeý is-sharalary jalǵasýda, bolǵan oqıǵanyń barlyq mán-jaıy anyqtalady. Tergeý barysy polıtsııa departamenti basshylyǵynyń erekshe baqylaýynda, — delingen habarlamada.

Quqyq qorǵaý organdary kúdikti zań aıasynda qatań jazalanatynyn atap ótti. 

Esterińizge sala keteıik, Yntymaq aýylynyń 14 jastaǵy turǵyny pyshaq jaraqatynan qaıtys boldy.

Budan buryn Batys Qazaqstan oblysynda pyshaq jaraqatyn alǵan oqýshy jazylyp shyqqanyn jazǵan edik.