Aqmolada 12 jasar qyz esirtki satqan
KÓKShETAÝ. QazAqparat - Aqmola oblysynda kámelettik jasqa tolmaǵan jasópirimdi aýyr qylmys jasaýǵa tartý oqıǵasy anyqtaldy, dep habarlaıdy QazAqparat tilshisi.
Oblystyq ІІD baspasóz qyzmetiniń aǵymdaǵy jyldyń maýsym aıynda esirtki saýdasymen kúres basqarmasynyń qyzmetkerleri esirtki saýdasymen aınalysqan qylmystyq topty qolǵa túsirdi. Kúdiktilerden iri kólemde, ıaǵnı, 16 grammnan astam kóknár tárkilendi. Oǵan qosa, qoldanylmaǵan ınektsııalyq shprıtstar men 182 myń teńge aqsha tabyldy. Sonymen qatar, polıtseıler qylmystyq toptyń basshysy Aqkól aýdanynyń turǵyny 30 jastaǵy kelinshekti ustady.
«Barlyq oqıǵaǵa baılanysty QR QK 297-baby boıynsha (zańsyz esirtki saýdasymen aınalysý) qylmystyq is qozǵaldy. Uıymdastyrýshy men onymen birge turatyn er adam jáne esirtkini jetkizip berýshi ýaqytsha ustaý oqshaýlaǵyshyna toǵytyldy. 30 jastaǵy kelinshek sybaılasymen birge óziniń kámelettik jasqa tolmaǵan 2005 jyly týǵan qyzyn qylmystyq áreketine tartqan. Úıinde ózi joqta qyzyna telefon arqyly klıent keletinin aıtyp, esirtki satýǵa ıtermelegen. Qazirgi kezde, jasóspirimmen psıhologtar jumys isteýde. Sonymen qatar, ustalynǵan kelinshektiń anasy qyzdy qamqorlyqqa alý týraly qujattardy rásimdep úlgerdi. Al, kúdiktilerdiń ústinen eki birdeı bap boıynsha (esirtki saýdasymen aınalysý jáne kámelettik jasqa tolmaǵan jasóspirmdi qylmysqa tartý) qylmystyq is qozǵaldy. Tergeý amaldary odan ári jalǵasýda», - dep túsindirdi baspasóz qyzmetindegi mamandar.
