Aqmolada 100 adamnyń basyn qosyp, úılený toıyn jasaǵandar aıyppul tóleıdi

KÓKShETAÝ. QazAqparat - Aqmola oblysynda monıtorıngtik toptar karantındik talaptardyń buzylǵanyn anyqtady, dep habarlaıdy QazAqparat tilshisi oblystyq sanıtarlyq-epıdemıologııalyq baqylaý departamentiniń baspasóz qyzmeti silteme jasap.

Vedomstvonyń málimetinshe, aqpannyń 13-de saǵat 20:00 keıin Kókshetaý qalasynda «Orazbaev I.M» JK-niń «7 juma» dámhanasynyń «Kamın» laýndj-bary, «Doblegroup» JShS-niń «Mıata» laýndj-bary, sondaı-aq «Shaımurat» JK-niń «Zevs» kompıýterlik klýby jumys istedi.

Birjan sal aýdanynda «Bekenov» JK-niń «Samal» dúkeninde jáne «Feldsherov» JK-niń kserokóshirme bóliminde maska rejımi saqtalmaǵany anyqtaldy.

Tselınograd aýdanynyń Jalǵyzqudyq aýylyndaǵy «Jan Baıan» dámhanasynda karantın shekteýlerine qaramastan senbi kúni 100 adamnyń qatysýymen úılený toıy ótkizildi.

Atbasar qalasyndaǵy «Sálem» jáne «Býrabaı» dámhanalary senbi jáne jeksenbi kúnderi saǵat 20:00-den keıin jumys istedi.

Dál osyndaı jaǵdaı 14 aqpanda Sandyqtaý aýdanynda da tirkeldi. Onda «Major» dámhanasy shekteý sharalaryn buzdy

«Demalys kúnderi (13 aqpannan 14 aqpanǵa deıin) monıtorıngtik toptar 73 reıd júrgizdi, monıtorıngpen 360 nysan qamtyldy», - dep atap ótti vedomstvodan.