Aqmolada 1 myńǵa jýyq úıge ýly gazdy anyqtaıtyn dabylqaqqysh ornatyldy

KÓKShETAÝ. QazAqparat - Aqmola oblysynda órt qaýipsizdigi aılyǵy aıaqtaldy, onyń barysynda halyqtyń áleýmettik osal toptarynyń úılerinde ýly gazdyń qaýipti kontsentratsııasyn anyqtaıtyn 997 dabylqaqqysh ornatyldy, taǵy 1 132-sin ornatý josparda bar, dep habarlaıdy QazAqparat tilshisi.

Aqmola oblystyq TJD baspasóz qyzmetiniń málimetinshe, qyrkúıek aıynda óńirde «Órt qaýipsizdigi aıy» ótkizildi.

Aktsııanyń maqsaty – halyqty peshpen jylytý jáne elektrmen jylytý aspaptaryn paıdalaný kezinde turmystaǵy órt qaýipsizdigi sharalaryna oqytý.

«2021-2022 oqý jyly kezeńinde bilim uıymdarynda 8 myńnan astam adamdy qamtı otyryp, 67 ınteraktıvti jáne ashyq sabaqtar, 3 myńnan astam adamdy qamtı otyryp, 299 lektsııalar, áńgimeler jáne nusqamalar ótkizildi, buqaralyq aqparat quraldarynda 1 108 aqparat, onyń ishinde teledıdar boıynsha - 16, radıo boıynsha - 953, baspasózde 139 maqala jaryq kórdi. Órt qaýipsizdigi aıy barysynda departament qyzmetkerleri 56 myńnan astam aýlany aralap, 153 myńnan astam azamatqa nusqaý berdi, 4,5 myńnan astam azamatty qamtıtyn 221 jıyn, jınalys uıymdastyrdy», - dedi vedomstvodan.

Halyqtyń áleýmettik osal toptarynyń turǵyn úılerinde órt qaýipsizdigin qamtamasyz etý boıynsha jumys tótenshe jaǵdaılar departamenti men Aqmola oblysy ákimdiginiń baqylaýynda.

Osy rette Aqmola oblysy tótenshe jaǵdaılar departamentiniń qyzmetkerleri aldaǵy sýyq aýa raıy qarsańynda azamattar qaıǵyly saldardyń aldyn alýǵa jáne turmysta órtterdiń týyndaýynyń aldyn alýǵa múmkindik beretin órt qaýipsizdigi talaptarynyń buzylýyn joıý jáne barynsha kúsh salý qajet ekenin eske salady.