Aqmolada 1,3 myń adam memqyzmettegi bos laýazymdar konkýrsyna qatysty
KÓKShETAÝ. QazAqparat - Aqmola oblysynda 1 300-den astam adam memlekettik qyzmette bos laýazymdarǵa ornalasý konkýrstaryna qatysty, dep habarlaıdy QazAqparat tilshisi.
Memlekettik qyzmette laýazymdarǵa taǵaıyndalý konkýrstyq negizde iske asyrylady.
Sonyń ózinde, memlekettik qyzmetke irikteýdiń ashyqtyǵy men obektıvtiligi qamtamasyz etilgen. Úmitkerlermen júrgiziletin barlyq áńgimelesýge táýelsiz baqylaýshylar qatysady. Sonymen qatar, árbir konkýrsqa qatysýshymen áńgimelesýdiń barysy tehnıkalyq jazý qurylǵylarynyń kómegimen beınejazbaǵa túsirilip, qatysýshylarǵa da óz qurylǵysymen jazý quqyǵy beriledi.
Jyl saıyn bos laýazymdarǵa ornalasý boıynsha konkýrstardyń qatysýshylar sany artýda. Ol azamattardyń memlekettik qyzmetke irikteý úrdisine degen senimin bildirip otyr.
Bıyl oblys boıynsha konkýrstarǵa 1300 astam adam qatysyp, 841 adam laýazymdarǵa taǵaıyndaýǵa usynyldy.
