«Aqmola juldyzdary» oblystyq shyǵarmashylyq baıqaýynyń jeńimpazdary marapattaldy

KÓKShETAÝ. QazAqparat – Aqmola oblysynda «Aqmola juldyzdary» oblystyq kórkemónerpazdar halyq shyǵarmashylyǵy baıqaýynyń qorytyndy gala-kontserti ótip, júldegerler marapattaldy, dep habarlaıdy QazAqparat tilshisi.

Baıqaý Abylaı hannyń 310 jyldyǵy, Qurmanǵazy Saǵyrbaıulynyń 205 jyldyǵy, Aqan seri Qoramsaulynyń 180 jyldyǵyna arnaldy.

«Dástúrli baıqaý óńirimizdiń mádenı ómirinde ózindik orny bar eń iri joba. Baıqaý oblysymyzdyń kórkemónerpaz ártisterine túrli janrlarda talanttaryn kórsetýge, shyǵarmashylyq áleýetin ashýǵa múmkindik beredi», - dedi aımaq basshysy Ermek Marjyqpaev quttyqtaý sózinde.

Bıylǵy «Aqmola juldyzdary» kórkemónerpazdar halyq shyǵarmashylyǵy baıqaýyna 276 aýyldyq okrýg pen 3 qaladan 66 myńnan astam adam, aýdandyq gala-kontsertterge 16 myńnan astam ónerpaz qatysty, onyń ishinde 150 aýyldyq okrýgten 7 123 adam.

Oblystyq halyq shyǵarmashylyǵy baıqaýynyń aýdandyq jáne qalalyq gala-kontsertteriniń qorytyndysy boıynsha oblystyq mańyzy bar qalalar, ortalyqtary qalalar bolyp tabylatyn aýdandar, ortalyqtary aýyldar bolyp tabylatyn aýdandar tárizdi úsh top boıynsha júldeli oryndar anyqtaldy.

«Aqmola juldyzdary» oblystyq kórkemónerpazdar baıqaýynda úzdik óner men shyǵarmashylyq jetistikteri úshin ortalyqtary kentter, aýyldar bolyp tabylatyn aýdandar arasynda Bas júldemen Tselınograd aýdany («Chevrolet Nehia» avtokóligi), 1-shi dárejeli dıplommen Qorǵaljyn aýdany (aqshalaı syılyq 3 mln teńge), 2-shi dárejeli dıplommen Zerendi aýdany (aqshalaı syılyq 2 mln teńge), 3-shi dárejeli dıplomdarmen Arshaly jáne Sandyqtaý aýdandary (aqshalaı syılyq 1 mln teńge) marapattaldy.

Ortalyqtary qalalar bolyp tabylatyn aýdandar arasynda Bas júldemen Ereımentaý aýdany («Chevrolet Cobalt» avtokóligi), 1-shi dárejeli dıplommen Býrabaı aýdany (aqshalaı syılyq 3 mln teńge), 2-shi dárejeli dıplommen Atbasar aýdany (aqshalaı syılyq 2 mln teńge), 3-shi dárejeli dıplommen Aqkól jáne Bulandy aýdandary (aqshalaı syılyq 1 mln teńge) marapattaldy.

Oblystyq mańyzy bar qalalar arasynda Bas júldemen Qosshy qalasy («Chevrolet Cobalt» avtokóligi), 1-shi dárejeli dıplomdarmen Kókshetaý jáne Stepnogor qalalary (aqshalaı syılyq 2 mln teńge) maraptaldy.

Sonymen birge, óńirde mádenıet salasyna qosqan úlesteri úshin birqatar sala mamandary túrli dárejedegi nagradalarmen marapattaldy.

Aıta ketsek, budan buryn Aqmola oblysynda 60 eldi mekenniń eski ataýy qaıtarylatynyn jazǵan edik.