«Aqmola juldyzdary» oblystyq halyq shyǵarmashylyǵy baıqaýynyń gala-kontserti ótti
KÓKShETAÝ. QazAqparat - Aqmola oblysynyń Arshaly aýdanynda «Aqmola juldyzdary» oblystyq halyq shyǵarmashylyǵy baıqaýynyń gala-kontserti ótti, dep habarlaıdy "QazAqparat" HAA tilshisi.
Qazaqstan Respýblıkasy Memlekettik rámizderiniń 25 jyldyǵy jáne "EKSPO-2017" halyqaralyq kórmesi aıasynda «Qýatty Qazaqstan - baıandy bolashaq!» uranymen uıymdastyrylǵan sharaǵa 13 aýyldyq okrýg, 184 shyǵarmashylyq ujym, 2020 shyǵarmashylyq kórkemónerpazdyq ujym músheleri, 263 solıst jáne 7868 kórermen qatysty.
Árbir okrýg óz baǵdarlamasyn daıyndap, sahnany bezendirip, jańashyldyǵymen erekshelendi. Ásirese, Birsýat, Konstantınov, Volgodon aýyldyq okrýgterdiń shyǵarmashylyq ujymdary, sonymen qatar, Túrgen, Arnasaı jáne №3 Arshaly orta mektebi kózge tústi.
Sonymen qatar oblystyń kórkemónerpazdar shyǵarmashylyǵy baıqaýynyń gala-kontsertinde aýdannyń eń úzdik ujymdary óner kórsetti. Atap aıtsaq, «Zadorınka», V.N.Zelenyı atyndaǵy halyq ansamblderi, «Mıraj» halyqtyq bı ansambli, Tasbolatovtar áýletiniń «Almagúl» halyqtyq otbasylyq ansambli, qazaq jáne orys halyq aspaptary orkestrleri, bı ujymdary. Ónerpazdardyń kóbisi oblystyq baıqaý laýreattary, halyqaralyq jáne oblystyq festıvalderdiń, baıqaýlardyń, kontsertterdiń qatysýshylary.
Osylaısha aýdandyq halyq shyǵarmashylyǵy baıqaýy erekshe alýandylyǵymen, emotsıonaldylyǵymen kórermenderdiń kóńilinen shyqty. 
