«Aqmola juldyzdary» oblystyq baıqaýynyń jeńimpazdaryna jańa avtokólikter tapsyryldy
KÓKShETAÝ. QazAqparat - Kókshetaýda «EHPO-2017» halyqaralyq mamandandyrylǵan kórmesine jəne Qazaqstan Respýblıkasy memlekettik rəmizderiniń 25 jyldyǵyna arnalǵan «Qýatty Qazaqstan - baıandy bolashaq!» atty «Aqmola juldyzdary» oblystyq halyq shyǵarmashylyǵy baıqaýynyń gala-kontserti bolyp ótti, dep habarlaıdy "QazAqparat" HAA tilshisi.
«Kókshetaý» mədenıet saraıynda uıymdastyrylǵan kontsertke aımaq basshysy Məlik Myrzalın qatysyp, quttyqtaý sóz sóılep, úzdik óneri men shyǵarmashylyq jetistikteri úshin bas júldeniń ıegerleri atanǵan Kókshetaý qalasy, Bulandy, Tselınograd aýdandarynyń əkimderi men mədenıet jəne tilderdi damytý bólimderine «Lada», «Nıva» avtokólikteriniń kiltterin tabys etti. 
Shara bastalmas buryn mədenıet saraıynyń alańynda uıymdastyrylǵan etnoaýylda ulttyq rəsimder kórsetilip, astrahandyq «Əjeler» ansambli ən-jyrdan shashý shashyp, Atbasar, Bulandy, Býrabaı
aýdandary men Stepnogorsk qalasynyń sən teatr stýdııasynyń kórsetilimi qoıyldy.
Qolóner sheberleri daıyndaǵan kórme kóz tartar əsemdikpen erekshelendi. Odan əri kórme ulttyq kostıýmder sherýimen jalǵasyp, dekoratıvti-qoldanbaly halyq shyǵarmashylyǵy sheberleriniń jəne Aqmola oblystyq sýretshilerdiń týyndylarymen astasyp gala-kontsertke ulasty.
Ataýly shara eń úzdik shyǵarmashylyq ujymdar - kókshetaýlyq dombyrashylardyń oryndaýynda Qurmanǵazynyń «Adaıy» 
jəne Zerendi aýdandyq «Arqa əýenderi» folklorlyq ansambli, Qorǵaljyn, Kókshetaý halyq bı ansamblderi ónerimen bastaldy. Əsirese, «Mıraj» halyq bı ansambliniń «Tulpar» bıi (Arshaly aýdany) óner dese isher asyn jerge qoıar kórermenin bir serpiltip tastady. Ereımentaýlyq «Aqbulaq» qobyzshylar ansambliniń oryndaýyndaǵy «Dala dastany», Kókshetaý
qalasynyń «Araı», Atbasar aýdanynan «Rodnıchek» bı ujymy, Eńbekshilder aýdandyq dýeti, Tselınogradtan «Іnjý-marjan», Býrabaıdan «Gaýhartas», atbasarlyq «Vaınah» bı ansamblderine qosa, Sandyqtaý aýdanynan «Reverans»bı ansambliniń kompozıtsııasy jurtshylyqty tənti etti.
Odan əri Elbasy Nursultan Nazarbaevtyń sózine jazylǵan Tólegen Muhamedjanovtyń əni «Gorod moı», Stepnogorsk baleti, Tselınograd aýdanynan birneshe respýblıkalyq baıqaýlardyń júldegeri Muratbek Haırolda, kókshetaýlyq Ashat Baıtileý men Aınara Buzaýbasova, ereımentaýlyq Al-ııar Aldasúgirov, bulandylyq Alına Levchenkonyń jeke daýysta shyrqaǵan ənderi júrekti tebirentpeı qoımady.
Gala-kontserttiń sońy «Qamajaı» bıimen kómkerilip, sahnaǵa kóterilgen oblys əkimi Məlik Myrzalın rızashylyqqa toly quttyqtaý sózin joldady.
"Kórkemónerpazdar baıqaýyna qatysýshylardyń sany jyl saıyn
kóbeıip keledi. Jylma-jyl dəstúrli túrde ótkiziletin bul aýqymdy shara búgingi kúni ónerdiń eń bıik shyńyna jetkendeı əserge bóledi",- deı kele, aımaq basshysy baıqaýǵa qatysýshylardy marapattady.
Baıqaýda úzdik shyǵarmashylyq jetistikteri úshin Arshaly, Astrahan, Zerendi, Jaqsy aýdandary kompıýter, Býrabaı, Ereımentaý, Aqkól aýdandary sahnalyq jaryq berý jıyntyǵymen jəne dıplomdarmen marapattaldy.
