Aqmola jastary Túrkistannyń kıeli jerlerin aralaýda

KÓKShETAÝ-TÚRKІSTAN. QazAqparat - El Táýelsizdiginiń 30 jyldyǵy aıasynda «TÁÝELSIZ JASTAR KERÝENI» jobasy aıasynda Aqmola oblysynyń jastaryna, sonyń ishinde belsendiler, eriktiler men túrli mekemelerdiń qyzmetkerlerine túrkitildes álemniń eń tanymal mádenı-tarıhı jáne Kıeli ortalyqtarynyń biri - Túrkistan qalasyna sapary uıymdastyryldy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Ekskýrsııa kıeli oryndardy, qalanyń kórikti jerlerin aralaýdan, jańa sáýlet nysandaryn sholýdan, «Juldyzdy kesh» talanttar sherýin, sondaı-aq, Qoja Ahmet ıAssaýı atyndaǵy Halyqaralyq qazaq-túrik ýnıversıtetine ekskýrsııadan turatyn tolyq baǵdarlamany qamtıdy.

«Qazaqstannyń qýań dalasynyń ortasynda ornalasqan Túrkistan qalasy-týrızm salasy tarıhynyń naǵyz syıy. Men kıeli oryndarǵa barǵan kezde joba qatysýshylary ózderi úshin kóptegen paıdaly aqparat alatynyna, basqa qalalardaǵy áriptesterimen sóılesetinine, sondaı-aq kóptegen jaǵymdy emotsııalarǵa ıe bolatynyna senimdimin. Biz osy qasıetti orynǵa barý múmkindigine ıe bolǵanymyzǵa óte qýanyshtymyz», – dedi Aqmola oblysy jastar resýrstyq ortalyǵynyń jetekshisi Mánsııa Esekeeva.

Bul Aqmola oblysynyń jastary úshin Táýelsizdik mereıtoıynda júzege asyrylyp jatqan kóptegen jobalardyń biri bolyp tabylady.