Aqmola jastary qaýipti ınfektsııanyń aldyn alý úshin jańa chellendj bastady

KÓKShETAÝ. QazAqparat - Aqmola oblysynyń jastary koronavırýs ınfektsııasy taralýynyń aldyn alý maqsatynda jańa chellendj bastap ketti, dep habarlaıdy QazAqparat tilshisi.

Bul týraly Aqmola oblystyq jastar resýrstyq ortalyǵy áleýmettik jelidegi paraqshasynda jarııalady. «Meniń podezim-meniń densaýlyǵym» chellendji barysynda jastar oblys ortalyǵyndaǵy turǵyn úıler men iri saýda úıleriniń kire berisin tazalap, súrtip, koronavırýs ınfektsııasynyń aldyn alý týraly jadynama taratýda.

Sonymen qatar, jastar resýrstyq ortalyǵymen eriktiler birlesip, saýda oryndarynyń basshylarymen profılaktıkalyq sharalardy túsindirý jumysyn júrgizýde.

«Bizdiń maqsatymyz - jahandy jalmaǵan koronavırýs ınfektsııasynyń aldyn alý sharalaryna úles qosý. Osy baǵytta Aqmola oblystyq jastar resýrstyq ortalyǵynyń jastary jergilikti eriktilermen birlesip, chellendj bastap ketti», - deıdi Aqmola oblystyq jastar resýrstyq ortalyǵynyń janyndaǵy «Volonterlerdi qoldaý ortalyǵynyń» basshysy Danııar Daırov.