Aqmola jastary «Balkondaǵy sıyr» erekshe jobasyn iske qospaq
Aıtalyq, respýblıka jáne óńir naryǵynda «Qazaqstannyń jylyjaı tehnologııasy» jáne «Qunarly» seriktestikteri, kosmetıkalyq zattar shyǵaratyn «RE-BIOMED» kompanııasy ónimderiniń tanymaldylyǵy artyp keledi.
Jastar jyly jańa ıdeıalardy júzege asyrý josparlanǵan. Jýyrda Qarabulaq aýylynyń jastary «Jer-Ana Astana» qoǵamdyq birlestiginiń úı sharýashylyǵyn qashyqtan baqylaý boıynsha jobasyna qoldaý bildirdi. Joba «Balkondaǵy sıyr» dep ataldy. Bul joba kórshi elderde júzege asyrylyp keledi. Al bizdiń elimizge tańsyq, ıaǵnı tuńǵysh ret qolǵa alynǵaly otyr. Joba boıynsha qala turǵyny sıyr satyp alyp, ony kelisimshart arqyly fermerge birneshe jylǵa jalǵa beredi de, ózi deldalsyz sút ónimderin alyp otyrady.
Jobaǵa Stepnogorsk fermerleri men jumyssyz nemese ózin ózi jumyspen qamtyp otyrǵan aýyl jastary ekijaqty qyzyǵýshylyq tanytyp otyr. Aýyl jastary osylaısha, paıdaly ispen aınalysyp, tabys tabý múmkindigine qol jetkizbek.
Bul óz kezeginde quldyrap bara jatqan aýyldardy saqtap qana qoımaı, ýrbandalý máselesin sheshýge septigin tıgizbek. Osy arqyly aýyl jastary aqshanyń kózin taýyp, aýyl sharýashylyǵymen aınalysar edi. Aýyl turǵyndary aýylsyz sapaly aýyl sharýashylyǵy ónimderin óndirý múmkin emes dep otyr. Jobaǵa jeke sharýashylyǵynda mal ustaıtyn 14 jas qyzyǵýshylyq bildirdi. Olar osy joba arqyly sıyrlaryn satýǵa qazirde ázir ekendigin aıtýda.
«Balkondaǵy sıyr» jobasy jeke sharýashylyqtardaǵy mal basyn kóbeıtip, mol tabys tabýǵa múmkindik bermek», - deıdi kásipkerler palatasynyń Stepnogor qalalyq fılıalynyń dırektory Azamat Mahanalın.
Eske sala keteıik, Memleket basshysy saltanatty túrde elimizde Jastar jylynyń bastalǵanyn jarııalaǵan bolatyn. Elbasy óziniń sózinde qanatqaqty qorlardy quryp, stýdent-eriktilerdiń stıpendııalaryn kóterý, jastar úshin jaldamaly páter salý týraly birqatar bastamalardy atap ótken edi.
