Aqmola jáne Soltústik Qazaqstan oblystarynyń aýmaǵynda «Jolda qabyldaý» aktsııasy ótkizildi
ASTANA. Qazannyń 19-y. QazAqparat - Memleket basshysy óziniń jyl saıynǵy Joldaýynda alǵa qoıǵan jalpymemlekettik aldyn alý júıesin qurý jónindegi mindetterdi iske asyrý maqsatynda jáne de quqyq qorǵaý organdary men ózge de memlkettik qurylymdardyń bedelin kóterý, sondaı-aq jol polıtsııasy qyzmetine halyqtyń senimin arttyrý maqsatynda ІІM Jol polıtsııasy komıteti «Nur Otan» HDP-men birlese otyryp, 2010 jylǵy qazannyń 14-inde respýblıkamyzdyń aýmaǵynda «Jolda qabyldaý» aktsııasyn ótkizdi.
Aktsııa «Nur Otan» HDP-men birigip bekitilgen Negizgi uıymdastyrý is-sharalarynyń josparyna sáıkes ótkizildi, dep habarlaıdy QR ІІM Jol polıtsııasy komıtetiniń baspasóz qyzmetinen.
ІІM Jol polıtsııasy komıteti qyzmetkerleriniń toby, «Nur Otan» HDP-nyń ókilderi, ІІO -nyń ardagerleri, sondaı-aq basqa memlekettik organdar men qoǵamdyq uıymdardyń ókilderi memlekettiń saıasatyn, Qazaqstan Respýblıkasy Memleket basshysynyń Joldaýyn túsindirý, azamattarǵa quqyqtyq jáne konsýltatsııalyq kómek kórsetý maqsatynda Aqmola oblysynyń Býrabaı aýdanyna jáne Soltústik Qazaqstan oblysynyń Taıynsha aýdanyna shyǵý júzege asyryldy.
Halyqpen jumys eki sıpatta júrgizildi - olar ózekti máselelerdi jalpy jıynda talqylaý jáne azamattardy jeke qabyldaý bolyp tabyldy.
Azamattardyń barlyq qoıylǵan suraqtary men ótinishteri hattamalandy jáne olardyń árqaısysy boıynsha sáıkes sheshimder qabyldandy.
Jalpy halyq jol polıtsııasy qyzmeti týraly jaqsy pikir bildirgen, jol polıtsııasy qyzmetkerleriniń zańsyz áreketteriniń faktileri boıynsha narazylyq ótinishter túspegenin atap ótken jón.
Aktsııa sheńberinde sondaı-aq jol polıtsııasy qyzmetine qatysty máseleler boıynsha 555 azamatqa saýalnama júrgizildi.
Osyndaı is-sharalar respýblıkanyń barlyq aýmaqtarynda ótkizildi.
Jalpy respýblıkalyq aktsııaǵa jol polıtsııasynyń 451 qyzmetkeri, «Nur Otan» HDP-nyń 82 ókili jáne BAQ-tyń 149 qyzmetkeri qatysty.
