Aqmola jáne Soltústik Qazaqstan oblystary qalaı gazdandyrylady

ASTANA. QazAqparat – Elimizde 11,6 mln adam kógildir otyn qyzyǵyn kórip otyr. Bul týraly búgin Úkimet otyrysynda Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«2022 jyldyń qorytyndysy boıynsha eldi gazdandyrý deńgeıi halyqtyń jalpy sanynyń 59 paıyzyn qurady nemese 11,6 mln adam gazǵa qol jetkizdi. Jalpy, eldi gazdandyrý Qazaqstan Respýblıkasyn gazdandyrýdyń 2015-2030 jyldarǵa arnalǵan bas shemasyna sáıkes júzege asyrylady», - dedi mınıstr.

Sonymen qatar ol Memleket basshysynyń eldiń soltústik-shyǵys óńirlerin gazdandyrý múmkindikterin qaraý jónindegi tapsyrmalaryn oryndaý maqsatynda mınıstrlik ártúrli nusqalardy pysyqtap jatqanyn atap ótti.

«Atap aıtqanda, «Beıneý-Bozoı-Shymkent» gaz qubyrynyń qýatyn ulǵaıtqannan keıin «Saryarqa» magıstraldyq gaz qubyrynyń 2-3-shi kezeńderin salý arqyly Aqmola jáne Soltústik Qazaqstan oblystaryn gazdandyrýdy júzege asyrý usynylady», - dedi Bolat Aqsholaqov.