Aqmola jáne Reseıdiń Orynbor, Omby oblystary birlesken jobalardy iske asyrady
KÓKShETAÝ. QazAqparat - Aqmola oblysy Reseıdiń Orynbor oblysymen áriptestikti nyǵaıtpaq, dep habarlaıdy QazAqpart tilshsi.
Petropavlda ótken Qazaqstan men Reseıdiń Óńiraralyq yntymaqtastyǵynyń XV forýmynda Aqmola oblysynyń ákimi Málik Myrzalın men Orynbor oblysynyń gýbernatory ıÝrıı Berg saýda-ekonomıkalyq, ǵylymı-tehnıkalyq jáne áleýmettik-gýmanıtarlyq áriptestikti júzege asyrý baǵytynda memorandýmǵa qol qoıdy.
Belgili bolǵandaı, Aqmola men Orynbor oblystarynyń klımaty ǵana emes, aýyl sharýashylyǵynda, týrızm ındýstrııasyn damytýda uqsastyǵy bar. Orynbor oblysyndaǵy tuzdy kólderge jyl saıyn 3 mıllıonnan astam adam barady.
Sonymen qatar, týrızm salasynda yntymaqtastyq týraly Aqmola men Omby oblystarynyń týrızm basqarmalary, Aqmola oblysynyń týrıstik ortalyǵy Omby oblysy jáne ıAmal-Nenetskıı avtonomdy okrýgimen kelisimge qol qoıdy.
«Týrızmdi jan-jaqty damytý jáne tıimdi áriptestik ornatý, sapaly týrıstik qyzmet kórsetý úshin qolaıy jaǵdaı jasaý jáne múmkindikti arttyrý jóninde kelisimge qol qoıdyq», - dep habarlady QazAqparat tilshisine Aqmola oblysy Týrızm basqarmasynyń basshysy Danııar Idııatov.
«Áriptestik týrızm salasyndaǵy birlesken sharalarda, aqparattyq týrlarda, kórme jáne jármeńkelerde, forýmdarda, konferentsııalarda júzege asyrylady, sondaı-aq birlesken jobalar men baǵdarlamalarda qolǵa alynbaq», - dep tolyqtyrdy D.Idııatov.
Qazaqstan-Reseı Óńiraralyq yntymaqtastyǵynyń XV forýmy aıasynda ótken baspasóz máslıhatynda Aqmola oblysynda týrızmdi damytý perspektıvalary týraly baıandaǵan aımaq basshysy Málik Myrzalın Elbasy Nursultan Nazarbaevtyń óńirdegi kýrorttyq aımaqtarda qyzmet kórsetý aqysyn arzandatý týraly talabyna nazar aýdardy.
Al óńirdik týrıstik múmkindikterin tanystyrǵan Basqarma basshysy Danııar Idııatov, mamandardyń boljamy boıynsha keler jyly Aqmola oblysynda týrıstik sektor salasynda qyzmet kórsetý somasy 6 mıllıard teńgeden asatynyn atap ótti.
Óńirlik kommýnıkatsııalar qyzmetiniń málimeti boıynsha, Petropavlda ótken Qazaqstan-Reseı Óńiraralyq yntymaqtastyǵynyń XV forýmy sheńberinde uıymdastyrylǵan týrıstik kórmede Aqmola oblysy óńirdiń osy saladaǵy áleýeti týraly málimetter usyndy.
«Kórme qonaqtary «Smart Aqmola» Kommýnaldyq memlekettik mekemesiniń - vırtýaldy (Virtual Reality) jáne (Augmented Reality) shynaıy kórinis jobasyna qyzyǵýshylyq tanytty. VR devaıster kómegimen 3D kórsetilim arqyly Abylaı han alańyna, Býrbaı kýrortynyń týrıstik nysandaryna vırtýaldy saıahat jasaýǵa bolady. Al AR arqyly Aqmola oblysynyń týrıstik nysandary smartfonda shynaıy kórinis beredi», - dep atap ótti Týrızm basqarmasynan.
Sonymen qatar, kórme qonaqtary Aqmola oblysy kásiporyndarynyń qurty men qospasynyń («Kókshetaý sút zaýyty» JShS»), Býrabaı kýrortynyń «Qulager Burabay» resmı sýynyń dámin tatyp kórdi.
Aıta keteıik, Qazaqstan men Reseıdiń Óńiraralyq yntymaqtastyǵynyń XV forýmynda aqmolalyq palýan Sergeı Tsyrýlnıkov Reseı Federatsııasynyń Prezıdenti Vladımır Pýtınge eki el dostyǵynyń sımvoly retinde órilgen shegelerdi syıǵa tartqan edi.
