Aqmola jáne Qostanaı oblystarynda boranǵa baılanysty birneshe jol jabyldy

ASTANA. QazAqparat - Qostanaı jáne Aqmola óńirinde birqatar tasjoldardakólik júrýine tyıym salyndy, dep habarlaıdy QazAqparat.

«QazAvtoJol» kompanııasynyń málimetinshe, Qostanaı oblysynda aýa raıynyń nasharlaýyna baılanysty kóriný shektelip, Áýlıekól kentinen Aqmola oblysynyń shekarasyna deıin avtokóliktiń barlyq túrine qozǵalysqa shekteý engizilgen.

Aqmola oblysynda kórinýdiń nasharlaýyna baılanysty jabylǵan tasjoldar:

- «Qostanaı-Áýlıekól-Surǵan» tasjolynyń Qostanaı óńiri shekarasynan Surǵan kentine deıingi aralyǵy;

- «Jaqsy-Esil-Býzýlýk» tasjolynyń Esil qalasynan Býzýlýk aýylyna deıin;

- «Jezqazǵan-Petropavl» tasjolynyń Býzýlýk aýylynan Surǵan kentine deıingi aralyǵy.

Respýblıkalyq joldar jelisinde qysqy kútip-ustaý jumystaryn atqarý úshin 200 arnaıy tehnıka jumyldyryldy.