Aqmola jáne Qaraǵandy oblystarynda 3 myń betpaqdala kıikteri qyrylǵan - QR QOQM
ASTANA. 7 qyrkúıek. QazAqparat - Búgin Aqmola jáne Qaraǵandy oblystarynyń aýmaqtarynda betpaqdala túrine jatatyn 3 myń kıik qyrylyp qalǵany belgili boldy (aldyn ala boljam boıynsha).
Olardyń 1500-i Teńiz kóliniń ońtústik, batys jáne soltústik jaǵalaýynan tabylǵan. Ólgen saıǵaqtar jazyq dalada da kezdesedi, dep habarlady QR Qorshaǵan ortany qorǵaý mınıstriliginiń baspasóz qyzmetinen. QR QOQM-de shuǵyl jınalys ótti. Kıikterdiń jappaı qyrylýynyń sebepterin anyqtaý úshin QR Qorshaǵan ortany qorǵaý mınıstrligi Orman jáne ańshylyq komıtetiniń tóraǵasy Baǵdat Azbaevtyń basshylyǵymen jumys toby quryldy. Oǵan osy jaǵdaıǵa baılanysty múddeli memlekettik organdardyń ókilderi (Qaraǵandy jáne Aqmola oblystary boıynsha ekologııa departamentteri, veterınarlyq qyzmetter, TJD, ІІD jáne sanıtarlyq-epıdemıologııalyq qadaǵalaý qyzmetteri) endi.
