Aqmola jáne Qaraǵandy oblystary aýyl sharýashylyǵy ónimderin deldaldarsyz jetkizýge múmkindik berip otyr - Astana ákimi
ASTANA. QazAqparat - Astana turǵyndary kúnine shamamen 1 myń 800 tonna aýyl sharýashylyǵy ónimin tutynady. Bul týraly búgin Astanadaǵy Qaraǵandy jáne Aqtóbe oblystarynyń jármeńkesinde qala ákimi Imanǵalı Tasmaǵambetov málim etti.
«Búgin jármeńkege Aqtóbe jáne Qaraǵandy oblystary 900 tonna kóleminde aýyl sharýashylyq jáne óńdeý ónerkásibi ónimderin alyp keldi. Atap aıtqanda, Astana turǵyndary kúnine shamamen 1 myń 800 tonna ónim tutynady. Sondyqtan jármeńkeniń negizgi maqsaty - óńirlerdegi jetistikterdi keńinen tanystyrý», - dedi elorda ákimi.
I. Tasmaǵambetovtyń Astananyń azyq-túlik beldeýin qamtamasyz etýde búginde Aqmola jáne Qaraǵandy oblystarynyń múmkindigi joǵary ekenin atap ótti.
«Osy eki oblys azyq-túlik beldeýi boıynsha búginde aýyl sharýashylyǵy ónimderin deldaldarsyz Astanaǵa jetkizýge múmkindik berip otyr»,-dedi ákim.
Aıta keteıik, elordadaǵy búgingi jármekeni Qaraǵandy oblysynyń ákimi Nurmuhambet Ábdibekov pen Aqtóbe oblysynyń ákimi Arhımed Muhambetov te aralap shyqty. Jármeńkedegi ónimder baǵasy orta esepppen alǵanda 20 paıyzǵa tómen. Búgingi sharaǵa Qaraǵandy oblysynan 500 tonna, al Aqtóbe oblysy 400 tonnaǵa jýyq aýyl sharýashylyq jáne qaıta óńdeý ónerkásibi ónimderin alyp keldi.
