Aqmola jáne Tselınograd tarıhy týraly sırek kezdesetin qujattar muraǵatqa tapsyryldy
«Astana shejiresinde óz atyńdy qaldyr» respýblıkalyq aktsııasy arqasynda memlekettik muraǵatta sırek kezdesetin jádigerler kollektsııasy paıda boldy.
L.N.Gýmılev atyndaǵy Eýrazııa ulttyq ýnıversıteti tarıh kafedrasynyń oqytýshysy Dýman Aıtmaǵambetov Ulttyq muraǵatqa sırek estelik belgilerin, tarıhı qujattardyń kóshirmelerin, atap aıtqanda, 1909 jyly halyq sanaǵy týraly málimetter men qundy fotosýretterdi tapsyrdy.
«Biz qujattardy bolashaq urpaq úshin saqtaımyz. Olar tarıhty bilsin dep saqtaımyz. Astana - jas qala. Biraq onyń ózindik tarıhy bar, ony ashyq jáne barshaǵa qoljetimdi qylý kerek», - dep atap ótti Astana memlekettik muraǵatynyń dırektory Meıram Bektembaev.
Esterińizge sala keteıik, muraǵat materıaldar sanatyna qaǵaz qujattar (hattar, kúndelikter, kitaptar, gazetter) sııaqty foto-beıne jáne aýdıomaterıaldar, kınohronıka, eksponattar men basqa da tarıhı jádigerler jatqyzylýy múmkin.
Tarıhı qujattardy bergen avtorlarǵa qala tarıhyn saqtaýǵa qosqan úlesi rastaıtyn qujat beriledi. Sondaı-aq, materıaldar elektrondy úlgide muraǵattyń elektrondy poshtasyna:astana.gorarhiv@mail.ru usynylýy múmkin.
Aktsııa Memleket basshysynyń «Uly dalanyń jeti qyry» baǵdarlamalyq maqalasyn iske asyrý aıasynda ótýde.
