Aqmola jáne BQO-da energetıka nysandaryn jańǵyrtý barysy tekserildi
ASTANA. KAZINFORM - Prezıdent tapsyrmalaryn oryndaý sheńberinde Úkimet óńirlerdiń aldaǵy jylytý maýsymyna daıyndyǵyn keshendi túrde tekserýdi jalǵastyryp keledi, dep habarlaıdy Úkimettiń baspasóz qyzmeti.
Premer-mınıstr Oljas Bektenovtiń tapsyrmasy boıynsha Aqmola jáne Batys Qazaqstan oblystarynda úkimettik jumys toptary energetıka jáne TKSh nysandaryn tekserip júr.
Premer-mınıstrdiń keńesshisi Nurlan Uranhaev Aqmola oblysynyń Stepnogorsk qalasynda JEO jumysymen, sondaı-aq tozýy 71%-dan asatyn jylý jelilerin jóndeý jáne rekonstrýktsııalaý barysymen tanysty. Josparlanǵan jumystar júrgizilgennen keıin tozý deńgeıi 68%-ǵa deıin tómendeıdi dep kútilýde.
Al Premer-mınıstrdiń keńesshisi Eraly Toǵjanov Batys Qazaqstan oblysynda «Jaıyqjylýenergo» AQ-nyń aldaǵy maýsymǵa daıyndyǵyn tekserdi. Sondaı-aq Oral qalasyndaǵy sorǵy stansasy men sý qoımasynyń qurylysy jáne óńirdegi elektr jelileriniń rekonstrýktsııasy qalaı júrip jatqany tekserildi. Búgingi tańda oblysta 1410 áleýmettik nysan jáne 2041 kóppáterli turǵyn úı jylytý maýsymyna daıyn.
Aldaǵy jylytý maýsymyna daıyndyq Úkimettiń erekshe baqylaýynda tur.
Osyǵan deıin 2025 jylǵy 22 tamyzdaǵy jaǵdaı boıynsha elimizde egin jınaý naýqany 15 óńirdi qamtyǵany týraly jazdyq.