Aqmola turǵynynyń 3 mln teńgesin jymqyrǵan Qyrǵyzstan azamaty ustaldy
KÓKShETAÝ. QazAqparat - Aqmola turǵynynyń qomaqty aqshasyn alaıaqtyq jolmen jymqyrǵan Qyrǵyzstan azamaty ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, tamyzdyń 18-de Makınsk qalasynyń turǵynynan polıtsııaǵa aryz túsken. Zardap shegýshi 3 mln teńge aqshasyn alaıaqtyq jolmen qaltasyna basqan Qyrǵyzstan Respýblıkasynyń azamatyn jaýapkershilikke tartýdy suraǵan.
«Tamyzdyń 30-da tártip saqshylary kúdiktige memleketaralyq izdeý jarııalady. Kúdikti týraly málimetter kórshi memleketterdegi áriptesterge joldandy. Іzdeý sharalary oń nátıje berdi. Reseı Federatsııasynyń Saratov oblysy Ozınskıı aýdanynyń tártip saqshylary «Ozınkı» ótkizý beketinde shekara asyp ótpek bolǵan er adamdy ustady. Qazirgi kezde ony elge qaıtarý máselesi sheshilýde», - deıdi vedomstvonyń baspasóz qyzmeti.
PD baspasóz qyzmetinen atap ótkendeı, sońǵy kezderi azamattardyń qylmys jasap, keıin shekara asyp qashý oqıǵasy beleń alýda.
Aıta keterligi, bıyl Aqmola oblysynyń polıtseıleri 97 qylmyskerdiń júrgen jerin anyqtap, ustady. Onyń 49-na memleketaralyq izdeý jarııalanǵan.
