Aqmola turǵynynan 6 keliden astam esirtki tabyldy

ASTANA. QazAqparat – Aqmola turǵynynan 6 keliden astam esirtki tárkilendi, dep habarlaıdy QazAqparat.

ІІM baspasóz qyzmetiniń málimetinshe, shilde aıynyń basynda «Qarasora-2023» JPІSh ótkizý kezinde oblys ortalyǵynyń 45 jastaǵy turǵyny ustalǵan. Onyń páterin tintý barysynda salmaǵy 6 kg 324 gr keptirilgen marıhýanasy bar 24 túıin jáne salmaǵy 17 gr eki gashısh túıini tárkilendi.

Sonymen qatar tintý kezinde dıvannyń astynan salmaǵy 2 keliden asatyn qarasora tuqymdary bar maıonez shelekteri tabyldy.

Ustalǵan adamnyń aıtýynsha, ol esirtkini jeke paıdalaný úshin saqtaǵan.

QR QK 296-baby 4-bóligi «Іri mólsherde esirtki quraldaryn zańsyz saqtaý» boıynsha sotqa deıingi is júrgizý bastaldy.

Ustalǵan adamǵa 3 jyldan 7 jylǵa deıin bas bostandyǵynan aıyrý qaýpi tónip tur.