Aqmola turǵynyn pyshaqtaǵan 29 jastaǵy qaraǵandylyq ustaldy
KÓKShETAÝ. QazAqparat - Aqmola oblysynyń turǵynyna pyshaq jaraqatyn salǵan 29 jastaǵy qaraǵandylyq ustaldy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, 2 naýryz saǵat 06:35 kezinde Arshaly aýdandyq PB kezekshi bólimine jedel járdem feldsheri habarlasyp, aýdandyq aýrýhananyń qabyldaý bólimine «ish tusynan pyshaq jaraqaty» dıagnozymen er adamnyń túskenin aıtqan.
Shaqyrý boıynsha barǵan tártip saqshylary 35 jastaǵy er adamnyń aýrýhanaǵa pyshaq jaraqatymen jetkizilgenin anyqtady.
Biraq zardap shegýshi mas bolǵandyqtan oqıǵanyń mán-jaıyn aıta almady.
«Jedel-izdestirý sharasy barysynda, polıtsııa qyzmetkerleri Qaraǵandy oblysy Saran qalasynyń 29 jastaǵy turǵynyn anyqtap, ustady, Ol óz kinásin tolyq moıyndady» dedi vedomstvodan.
Anyqtalǵandaı, zardap shegýshi men kúdikti jergilikti JShS-de birge jumys istegen.
Ekeýara spırttik ishimdik ishken soń sózge kelip qalyp, artynsha qaraǵandylyq 35 jastaǵy er adamǵa pyshaq suǵyp alǵan.
«Pyshaq aıǵaq retinde tárkilendi. Er adamǵa qatysty Qylmystyq kodekstiń 106-baby boıynsha sotqa deıingi tergeý sharalary júrgizilýde. Kúdikti Arshaly aýdandyq polıtsııa bóliminiń ýaqytsha ustaý ızolıatoryna qamaldy» dep tolyqtyrdy vedomstvodan.
