Aqmola turǵyny jalǵan polıtseıge 1 mln teńge bergen
Kókshetaý qalasynyń Polıtsııa basqarmasyna qalanyń 23 jastaǵy turǵyny shaǵymdandy. Jas jigit 28 qazanda oblys ortalyǵynyń qonaq úı keshenderiniń birinen shyǵar kezde oǵan er adam kelip, ózin polıtsııa qyzmetkeri retinde tanystyryp, aqsha talap etkenin aıtty.
Ótinish berýshiniń aıǵaqtaryna sáıkes, ony qaskúnem jeńil júristi áıelderine barǵany úshin qylmystyq jaýaptylyqpen qorqytyp, mln teńge talap etken.
Jedel-izdestirý is-sharalary barysynda krımınaldyq polıtsııa bóliminiń qyzmetkerleri kúdiktini anyqtady. Ol Kókshetaý qalasynyń ýaqytsha jumys istemeıtin 28 jastaǵy turǵyny bolyp shyqty. Ony tintý kezinde kúdiktiden polıtsııa qyzmetkeri kýáliginiń muqabasy men aqsha tabylyp, tárkilendi.
Polıtsııa basqarmasy osy faktige sáıkes QR QK 190-babynyń 1-bóligi «Alaıaqtyq» boıynsha sotqa deıingi tergep-tekserýdi bastady.
