Aqmola turǵyny tankige qarsy qoldanylatyn eki mınany polıtsııaǵa tapsyrdy
KÓKShETAÝ. QazAqparat-Aqmola oblysynyń turǵyny polıtsııaǵa eki mına tapsyrdy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, aǵymdaǵy jyldyń 10-shy sáýirinen bastap oblys aýmaǵynda turǵyndardan qarý satyp alý aktsııa ótýde. Atalmysh aktsııa sheńberinde Kókshetaý qalasynyń 42 jastaǵy turǵyny tankige qarsy qoldanatyn TM - 57 jəne OZM- 72 markaly eki mınany tapsyrǵan.
Turǵynnyń aıtýynsha, əskerı jarylǵysh zatty ol Kókshetaý qalasynyń irgesindegi eldi mekenderdiń birinde metall jınap júrgeninde taýyp alǵan.
Keıin oblys aýmaǵynda turǵyndardan qarý satyp alý aktsııasy ótip jatqanyn estigendikten polıtsııaǵa habarlasyp, tapsyrǵan.
«Qazirgi kezde, mınanyń ekeýi de saraptamaǵa jiberildi. Atalǵan jarylǵysh zat úshin turǵyn tıisti qarjylaı syıaqysyn alatyn bolady», - dep kórsetilgen habarlamada.
Eske sala keteıik, aktsııa bastalǵan alǵashqy eki kún ishinde aqmolalyq polıtseıler turǵyndardan barlyǵy 96 qarý satyp alǵan. Onyń arasynda 88 tegis uńǵymaly, 8 sholaq myltyq bar jəne 11599 oqdəri bar. Atalmysh aktsııany ótkizýge 14,5 mıllıon teńgege jýyq qarjy bólingen.
