Aqmola turǵyny taǵamǵa qosatyn kóknárden esirtki jasaǵan

ASTANA. QazAqparat – Polıtsııa Aqmola turǵynynan asa iri mólsherde ekstraktsııalyq apıyn tárkiledi, dep habarlaıdy QazAqparat polisia.kz telegram kanalyna silteme jasap.

Býrabaı aýdany PB esirtki qylmysyna qarsy is-qımyl bólimshesiniń qyzmetkerleri 25 qańtar kúni buryn sottalǵan Şýchınsk qalasynyń 38 jastaǵy turǵynyn ustady. Ol jumys ornynda taǵamǵa qosatyn kóknárden ekstraktsııalyq apıyn jasap, ony ózi paıdalanǵan.

Kúdikti qonaqúılerdiń birinde aǵash ustasy bolyp jumys istegen. Tártip saqshylary esirtki jasaýǵa arnalǵan ydystardy, daıyndalǵan apıyn salynǵan polımerli bótelkelerdi, sondaı-aq ınelerdi tárkiledi. Saraptama taǵaıyndalyp, ekstraktsııalyq apıynnyń kólemi 2,5 lıtrden asatyny anyqtaldy.

Ustalǵan adamǵa qatysty QR QK 296-baby 3-bóligi boıynsha sotqa deıingi is júrgizý bastaldy (esirtki quraldaryn iri mólsherde zańsyz saqtaý).

Foto: t.me/POLICE_of_KZ