Aqmola turǵyny qyzǵanyshtan áıeliniń qolyn syndyryp, jertólege qamaq qoıǵan
KÓKShETAÝ. QazAqparat - Aqmola oblysynda azamattyq nekedegi áıeliniń qolyn, qabyrǵasyn syndyryp, jertólege qamaq qoıǵan er adam ustaldy, dep habarlaıdy QazAqparat tilshisi.
Polıtsııa departamentiniń baspasóz qyzmetiniń málimetinshe, 15 aqpanda Bulandy aýdanynyń turǵyny ýchaskelik polıtsııa ınspektoryna habarlasyp, 41 jastaǵy qyzy uzaq ýaqyt boıy telefon qońyraýlaryna jaýap bermeıtinin aıtqan.
Anyqtalǵandaı, áıeldiń azamattyq nekedegi kúıeýi bolǵan. Erli-zaıyptylar arasynda qyzǵanysh janjal týyndap, 39 jastaǵy er adam mas kúıinde áıelin urǵan. Osynyń saldarynan áıeldiń qoly men qabyrǵalary synǵan. Bul azdaı, er adam áıeldi úıdiń jertólesine qamady. Oqıǵany kórshisi kezdeısoqta baıqap qalǵan. Osydan keıin qaskúnem úıinen qashyp ketedi. Alaıda, ýchaskelik ınspektor er adamnyń jasyrynǵan jerin anyqtady.
«Qazirgi kezde osy oqıǵaǵa baılanysty Qylmystyq kodekstiń 107-baby «Densaýlyqqa qasaqana aýyrlyǵy ortasha zııan keltirý» jáne 126-babynyń 1óbóligi «Bas bostandyǵynan zańsyz aıyrý» boıynsha eki qylmystyq is qozǵalyp, sotqa deıingi tergeý amaldary júrgizilýde», - dedi vedomstvodan.
