Aqmola turǵyny 6 jasar ógeı qyzyna zorlyq-zombylyq kórsetken
Vedomstvonyń málimetinshe, bıylǵy qańtar aıynda Astrahan aýdandyq polıtsııa bóliminiń tergeýshisi, aǵa leıtenant Janar Tákenovaǵa kámeletke tolmaǵan qyzǵa qatysty zorlyq-zombylyq áreketteri týraly qylmystyq isti tergeý tapsyrylǵan.
Qylmystyq isti tergeý barysynda aǵa leıtenant qysqa merzimde barlyq qajetti tergeý áreketterin júrgizip, saraptama nátıjesi negizinde qylmys jasaýǵa qatysy bar adamnyń jeke basyn anyqtady.
«Belgili bolǵandaı, Astrahan aýdanynyń turǵyny 6 jasar ógeı qyzyna qatysty zańsyz áreketterdi jasaǵan. Jábirlenýshi ógeı ákesinen qoryqqandyqtan anasyna bolǵan jaǵdaıdy erterek aıta almaǵan. Keıin qylmysy áshkerlengen kezde kúdikti jasyrynbaqshy boldy. Alaıda, tártip saqshylary ony dereý qolǵa túsirdi», - dedi vedomstvodan.
PD baspasóz qyzmetinen atap ótkendeı, jaqynda tergeýshiniń atyna jábir kórgen qyzdyń anasy alǵys hat joldaǵan.
Onda áıel quqyq qorǵaýshyǵa kásibıligi men jaýaptylyǵy úshin shyn júrekten rızashylyǵyn bildiredi.
«Tergeýshi Janar Tákenovaǵa prıntsıpshildigi, janashyrlyǵy, túsinistigi men aqkóńildigi úshin alǵys aıtamyn», - delingen alǵys hata.
Aıta keteıik, Aqmola oblysynda aýrýhanadan qashyp ketken 13 jasar qyz tabyldy.
