Aqmola turǵyny 13 jyldan beri balalaryna alıment tólemeı kelgen
KÓKShETAÝ. QazAqparat - Aqmolada turǵyn balasyna 13 jyldan beri alıment tólemegen, dep habarlaıdy QazAqparat Polisia.kz resýrsyna silteme jasap.
Bıylǵy jyldyń 8 shildesinde polıtsııaǵa Kókshetaý qalasynyń 45 jastaǵy turǵyny aryz bergen.
Áıel óziniń burynǵy kúıeýi 2008 jyldan beri balalardy asyraýǵa qarajat tólemeı kelgenin aıtty.
Ótinish bergen sátte alıment boıynsha bereshek - 2 259 656 teńge boldy.
Tártip saqshylary Krasnyı ıAr aýylynda alıment tólemeı júrgen turǵynnyń naqty mekenjaıyn anyqtady.
Qazirgi ýaqytta atalǵan fakti boıynsha QR QK 139-babynyń 1-bólimimen sotqa deıingi tergeý júrgizý bastaldy.
Er adamǵa qatysty qolhatpen bosatý protsessýaldyq májbúrleý sharasy tańdaldy.
Aqmola polıtseıleri alıment tólemeıtinderdi izdeý jumysyn jalǵastyryp otyr.
Búgingi kúni Aqmola oblysy boıynsha izdestirý jarııalanǵan alıment tólemeýshilerdiń tiziminde 23 adam bar.
