Aqmola turǵyndaryna tegin zańgerlik kómek kórsetilýde
KÓKShETAÝ. QazAqparat - Kókshetaý qalasyndaǵy «RIO» oıyn-saýyq ortalyǵynda halyqtyń quqyqtyq saýattylyǵyn arttyrý jáne tegin zańgerlik kómek kórsetý maqsatynda «Halyq zańgeri» aktsııasy ótti, dep habarlaıdy QazAqparat tilshisi Aqmola oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl departamentiniń baspasóz qyzmetine silteme jasap.
Aktsııa Aqmola oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl departamenti Zakon.kz aqparattyq jańalyqtar portalymen jáne «Paragraf» aqparattyq júıesimen birlesip uıymdastyrdy.
Halyqqa tegin joǵary bilikti kómek kórsetý úshin túrli salalardyń 40-tan astam kásibı zańgerleri tartyldy. Olardyń ishinde tanymal qorǵaýshylar, notarıýstar, sot oryndaýshylary, polıtsııa qyzmetkerleri, ádilet departamenti, kóshi-qon polıtsııasy qyzmetshileri, memlekettik organdardyń basshylary jáne taǵy basqalary bar.
Aqmola oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl departamentiniń basshysy Bergen Bespalınovtyń aıtýynsha, turǵyndardyń quqyqtyq saýattylyǵyn arttyrýda atalmysh sharanyń mańyzy zor.
«Zańger mamandyǵy barsha álemde áldeqaıda qurmetteletin jáne qajet etiletin mamandyqtar qatarynan tabylady. Biz quqyqtyq memlekette ómir súremiz jáne árbir azamat óz quqyqtaryn bilýi jáne onyń buzylmaýyn talap ete bilýi tıis. Búgin árbir azamattyń bilikti zańgerlik kómek alýǵa quqyǵy bar. Bizdiń mindet - halyqqa qyzmet, demek, bizdiń mindetimiz - azamattardyń barlyq qajetti aqparatqa qol jetkizýi úshin bar kúshimizdi salý, máselelerin sheshý úshin ári qaraı durys baǵyt-baǵdar berý» - deıdi Bergen Bespalınov.
Aktsııa barysynda oblys turǵyndary jer máselesi, múgedektilikti taǵaıyndaý, salyqtyq tólemder, áleýmettik qorǵaý, sot aktilerin oryndaý, zeınetkerlik tólemder, neke shartyn buzý úderisteri, múlikti bólisý tárizdi máselelerge qatysty tegin zańgerlik kómek aldy.
