Aqmola təlimbaǵyna Túmennen aǵashtyń 30 túri əkelingen
KÓKShETAÝ. QazAqparat- Aqmola oblysynyń əkimi Məlik Myrzalın Maraldy orman sharýashylyǵynyń təlimbaǵynda boldy, dep habarlaıdy QazAqparat tilshisi əkimdiktiń baspasóz qyzmetine silteme jasap.
Aqmola oblysy aýmaǵynda vedomstvoaralyq 13 orman sharýashylyǵy ornalasqan. Onyń ishinde úsheýi - orman təlimbaǵy. Aýmaqtary 50 gektarlyq eki orman təlimbaǵy Aqkól jəne Zerendi aýdanynyń aýmaǵynda. Úshinshi 23 gektarlyq tálimbaq Sandyqtaý aýdanynda jumys istep tur.
Maraldy orman sharýashylyǵy 1976 jyly qurylǵan. Onda orman aǵashtarynyń birneshe túrin ósiretin təlimbaq bar. Qazir onda aǵashtyń 60 túri ósiriledi. 2017 jyly oblystyq bıýdjetten bólingen qarjyǵa tamshylatyp sýarylatyn aýmaǵy 600 sharshy metrlik jylyjaı salyndy.
Aımaq basshysy Məlik Myrzalın jylyjaıdy, sonymen birge, orman təlimbaǵynyń aýmaǵyn aralap kórdi. Atalmysh sharýashylyq basshylarynyń aıtýynsha, munda eki jyldyq aǵash kóshetteri ósiriledi. Kóshetterdi Astana, Almaty jəne Kókshetaý qalalarynda abattandyrý kezinde qoldanady. Əsirese, turǵyndar arasynda sibir shyrshasy jəne dekoratıvti aǵash butalaryna suranys joǵary .
«Təlimbaqtaǵy aǵash kóshetteriniń 30 túrinen astamyn Túmen oblysynan əkeldik. Onyń ishinde batys bozarshasy, bóriqaraqat, kógildir shyrsha tərizdi aǵashtar bar. Satyp alǵan kezde bıiktigi 50-60 sm bolsa, qazir keıbiri 1 metrden asady» - dedi Aqmola oblysynyń tabıǵı resýrstar jáne tabıǵat paıdalanýdy retteý basqarmasynyń bólim basshysy Əlibek Júsip.
