Aqmola polıtsııasy qatarynda 300-den astam áıel qyzmet etip júr
Polıtsııa departamenti baspasóz qyzmetiniń málimetinshe, merekelik sharaǵa polıtsııa qyzmetkerleri, ishki ister organdarynyń ardagerleri, qyzmettik mindetterin atqarý kezinde qaza tapqan polıtsııa qyzmetkerleriniń jesirleri men analary qatysty.
Merekelik kóńil kúıde ótken sharada arýlardyń atyna jyly lebizder aıtylyp, gúl shoqtary syılandy.
Onyń ishinde qyzmettik mindetterin adal atqaryp, joǵary kórsetkishterge qol jetkizgeni úshin, sondaı-aq Halyqaralyq áıelder kúnin merekeleý qurmetine 24 qyzmetker Іshki ister mınıstri polıtsııa general-leıtenanty Marat Ahmetjanovtyń buıryǵyna sáıkes marapattaldy.
Aqkól aýdandyq polıtsııa bóliminiń kámeletke tolmaǵandardyń isi jónindegi aǵa ýchaskelik ınspektory Alma Qaıyrǵojınaǵa «Quqyq tártibin qamtamasyz etýge qosqan úlesi úshin» medali tapsyryldy.
Polıtsııa podpolkovnıgi Álııa Asylbekova Qazaqstan Respýblıkasy Іshki ister mınıstriniń Qurmet gramotasyna ıe boldy.
Budan bólek bir top qyzmetkerler Іshki ister mınıstrliginiń gramotalary jáne alǵys hattarymen marapattaldy.
Polıtsııa qyzmetkerlerine laıyqty marapatty polıtsııa departamenti bastyǵynyń mindetin atqarýshy, polkovnık Rızahmet Jánibekov tabys etti.
Jalpy, polıtsııa departamenti bastyǵynyń gramotasymen 120-dan astam áıel marapattaldy.
Іshki ister organdarynyń ardager áıelderi, qyzmettik mindetterin atqarý kezinde qaza tapqan qyzmetkerlerdiń jesirleri men analary da shet qalǵan joq.
«Sizder quqyqtyq tártipti saqtaýǵa, qylmysqa qarsy kúreske, azamattardyń konstıtýtsııalyq quqyqtary men bostandyqtaryn qorǵaýǵa baǵa jetpes úles qosyp kelesizder. Kásibı sheberlikterińiz jáne adal eńbekterińizdiń arqasynda joǵary nátıjelerge qol jetkizilýde. Sizder er azamattarmen birge birge adal jáne janqııarlyqpen qyzmet etýdesizder. Osy tamasha merekede sizderge shydamdylyq pen tabandylyq, jumystaǵy prıntsıpshildik pen quzyrettilik, qyzmettik paryzǵa adaldyq, polıtsııa mamandyǵyna berilgendikterińiz úshin shyn júrekten alǵysym bildiremin!», - dedi quttyqtaý sózinde vedomstvo basshysy Rızahmet Jánibekov.
Saltanatty shara polıtsııa departamentiniń shyǵarmashylyq ujymynyń oryndaýyndaǵy merekelik kontsertke ulasty.
Aıta ketý kerek, búgingi tańda Aqmola polıtsııasy qatarynda erlermen qatar 300-den astam áıel qyzmet atqarady.
