Aqmola polıtseıleri jolda qalǵan otbasyna kómektesti
KÓKShETAÝ. QazAqparat - Aqmola oblysynyń polıtseıleri kóligi synyp, jolda qalǵan otbasyna kómek qolyn sozdy, dep habarlaıdy QazAqparat tilshisi ІІD baspasóz qyzmetine silteme jasap.
Jol-patrýldik polıtsııasy batalony 1-shi vzvodynyń aǵa serjanty Qaırat Hadjymurat pen kishi serjant Myrzabek Qaıyrgeldi úshin bul birinshi jaǵdaı emes. Osyǵan deıin talaı jolaýshyǵa kómek qolyn sozǵan eken.
Biraq ta, bul joly Zerendi aýdanyndaǵy Qanaı bı aýylynda turatyn Mysyrəlimovter otbasy ІІD Alǵys hat joldapty. Belgili bolǵandaı, synǵan kólikte hat avtorynyń balalary bolǵan eken.
"Qyrkúıektiń 6-sy kúni balalarymyz aýyldan qalaǵa bara jatqan kezde kólikteri isten shyqty. Aralarynda omyraýdaǵy 4 aılyq səbı de boldy. Olar jolda kóp turyp qaldy. Abyroı bolǵanda, túngi saǵat 02:00 shamasynda polıtseıler kelip, kómek kórsetti. Olarǵa shynaıy alǵys bildiremin. Polıtsııa qatarynda osyndaı jigitter kóp bolsyn", - dep rızashylyǵyn bildirip otyr aýyl turǵyndary.
Qaırattyń aıtýynsha, sol kúni ol əriptesi Myrzabek ekeýi "Kókshetaý-Atbasar" avtojolynyń boıynda kezekshilik etken. Túnniń bir ýaǵynda olarǵa jol-patrýldik polıtsııasy batalonynyń kezekshisi habarlasyp, atalmysh joldyń boıynda isten shyqqan kóliktiń turyp qalǵanyn aıtqan. Polıtseıler oqıǵa ornyna jedel jetken.
Vedomstvonyń məlimeti boıynsha, turǵyndarǵa kómekke barǵan polıtseılerdi ІІD basshylyǵy marapattaý məselesin qarastyrýda.
