Aqmola polıtseıleri zańsyz aǵash kesýshilermen kúresýde
KÓKShETAÝ. QazAqparat - Aqmola oblysynyń polıtseıleri zańsyz aǵash kesýshilermen kúresýde, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimeti boıynsha, osydan birer kún buryn Zerendi aýdandyq PB kezekshilik bólimine «Ormandy-Bulaq» fılıalynyń dırektory habarlasyp, «Kókshetaý» MUTP aýmaǵynan zańsyz aǵash keskenderdi ustap berýin suraǵan.
«Oqıǵa ornyna jetken polıtsııa qyzmetkerleri qaskóıdiń 9 qaıyńdy kesip, 22 725 teńge zalal keltirgeni anyqtaldy. Tergeý amaldary kezinde Zerendi aýdany Ermakovka aýylynyń 32 jastaǵy turǵyn ustaldy», deıdi vedomstvodan.
Qazirgi kezde, osy oqıǵaǵa baılanysty QR QK 340 babynyń 3 bóligi 4 bólimshesi boıynsha is qozǵalyp, tergeý amaldary júrgizilýde.
