Aqmola polıtseıleri «úzdik akterlar» tanyldy
KÓKShETAÝ. QazAqparat - Otandyq kıno juldyzdary Ǵanı Quljanov pen Janna Qýanysheva "Parasatty polıtseı" respýblıkalyq baıqaýynda aqmolalyq tártip saqshylarynyń akterlik sheberligin joǵary baǵalady, dep habarlaıdy QazAqparat tilshisi.
Petropavlda Qazaqstan halqy tilderiniń merekesi qarsańynda elimizdegi quqyq qorǵaý organdary qyzmetkerleri arasynda "Parasatty polıtseı" respýblıkalyq baıqaýy ótti. Osymen segizinshi ret uıymdastyrylyp otyrǵan sharaǵa elimizdiń ər óńirinen 100 polıtsııa qyzmetkeri men vedomstvolyq bilim ordalarynyń ókilderi qatysty. Baıqaý birneshe baǵytttan turdy. Sonyń ishinde komandalarǵa kásibı jetistikterdi kórsetý, elimiz zańdaryn bilý boıynsha tapsyrmany oryndaý, akterlik sheberlik pen oı-ushqyrlyǵyn pash etý, memlekettik tilde óz oılaryn durys ári túsinikti jetkize bilý qajet boldy.
Aqmola oblysynyń ІІD "Kókshe saqshylary" komandasynyń sapynda bolǵan polıtsııa maıory Ravıl Abýlhanov, polıtsııa kapıtandary Qýanysh Esimbekov, Əsem Jıenǵalıeva, Temirlan Qadyralıev jəne aǵa leıtenant Asan Áýbákirovtyń akterlik sheberlikterine kórermender de, qazylar alqasy da tánti boldy. Sahnadaǵy 5 mınýttyq qoıylymda aqmolalyqtar QR polıtsııasynyń 25 jyldyǵy, "EKSPO-2017" kórmesi, ishki ister organdarynyń memleketaralyq qatynasy taqyryptaryn qamtydy.
Osy oraıda otandyq kıno juldyzdary Ǵanı Quljanov pen Janna Qýanysheva aqmolalyq polıtseılerdiń akterlik sheberlikterin joǵary baǵalap, "Akterlik sheberligi úshin" atalymy boıynsha jeńimpaz dep tanydy.
Al baıqaýdyń qorytyndysy boıynsha komandalyq esepte Aqtóbe oblysynyń ІІD "Sert beremiz" komandasy - birinshi oryn, Aqmola oblysynyń ІІD "Kókshe saqshylary" men Jambyl oblysynyń ІІD "Taraz qyrandary" komandalary - ekinshi oryn, Pavlodar oblysynyń ІІD "Saryarqa saqshylary" men Mańǵystaý oblysynyń ІІD "Kaspıı" jəne QR ІІM Qostanaı akademııasynyń "Qabylbaev urpaqtary" komandalary úshinshi oryndy ózara bólisti.
Jeńimpazdardy QR ІІM birinshi orynbasary, polıtsııa general leıtenanty Marat Demeýov quttyqtap, marapattady.
