Aqmola polıtseıleri saıası qýǵyn súrgin qurbandaryn eske aldy

KÓKShETAÝ. QazAqparat - Aqmola oblysynyń polıtseıleri men ardagerleri saıası qýǵyn-súrgin qurbandarynyń arýaǵyna taǵzym etti, dep habarlaıdy QazAqparat tilshisi oblystyq PD baspasóz qyzmetine silteme jasap.

Aqmola oblystyq PD 20 qyzmetkeri men quqyq qorǵaý organdary salasynyń 10 ardagerinen turatyn delegatsııa Aqmol kentindegi «ALJIR» memorıal-murajaı kesheninde boldy. PD bastyǵynyń tikeleı tapsyrmasymen uıymdastyrylǵan shara barysynda delegatsııa músheleri keshenniń ishin aralap kórdi. «ALJIR» lagerindegi saıası qýǵyn-súrgin qurbandaryn eske alyp, 7 myń áıeldiń esimi jazylǵan memorıaldyq taqtaǵa gúl destelerin qoıdy.

Ekýrsııaǵa qatysýshylar murajaı aýmaǵyndaǵy «Qaıǵy qaqpasy» monýmenti, sholý munarasy, «Kúres pen úmit» jáne «Ashyný men dármensizdik» sekildi eki músindik kompozıtsııa, sondaı-aq «Eske alý qabyrǵasy», GÝLAG kartasy salynǵan «Jas» stellany aralap kórdi.

Aıta ketý kerek, «ALJIR» lagerinde Ázıza Rysqulova men onyń anasy Árıpa Esenǵulova, Dámesh Júrgenova, Rabıǵa Asfendııarova, ánshi Lıdııa Rýslanova, jazýshy Galına Serebrıakova, marshal Týhachevskııdiń otbasyndaǵy áıelder, jazýshylar Borıs Pılnıaktyń áıeli Kıra Andronnıkoshvılı, ıÝrıı Trıfonovtyń áıeli Evgenııa Lýre, Bolat Okýdjava men Maıa Plısetskaıanyń analary sııaqty memleket, saıasat jáne qoǵam qaıratkerleriniń áıelderi bolǵan.

Ekskýrsııaǵa qatysqan Kókshetaý qalalyq polıtsııa basqarmasynyń qyzmetkerleri alǵan áserlerimen bólisti.

«Mundaıdy umytý múmkin emes. Murajaıdy aralaǵanda úlken áser alyp, sol kezdegi lager tutqyndarynyń tartqan beınetin túsinesiń», - deıdi ekskýrsııaǵa qatysýshylar.

Ásirese, «ALJIR» lagerine Grýzııadan jetkizilgen tutqyndardyń ómiri men tartqan azaby jáne úmit-armandary týraly kórkem drama erekshe áser qaldyrdy.

«Mundaı sharanyń mańyzy zor. Óz halqyńnyń tarıhyn bilip, búgingi qundylyqtaryn saralaýǵa múmkindik beredi», - deıdi poltseıler.