Aqmola polıtseıleri reseılik týystary izdep júrgen ájeıdi tapty
Vedomstvonyń málimetinshe, Aqmola oblystyq polıtsııa departamentiniń jelidegi paraqshasyna Saltanat esimdi qyz júgingen. Belgili bolǵandaı, ol búkil álem boıynsha jumys isteıtin «Birlik eriktileri» qozǵalysynyń múshesi.
«Bir aı buryn volonterge Reseı Federatsııasynyń turǵyny qart áıeldiń 30 jyldan astam ýaqyt boıy sińilisi Nadejda Nıkolaevna Martıýshevany izdep júrgeni týraly habar túsken. Qolda bar málimetter boıynsha, áıel Qostanaı qalasynda turǵan. Alaıda, anyqtaý kezinde bul aqparat durys rastalmady. Biraq, soǵan qaramastan volonter izdeý jumysyn toqtatqan joq. Ol izdep júrgen adamnyń derekteri boıynsha Malınovka aýylynda bir qarııa turatynyn anyqtap, naqty kóz jetkizý úshin osy okrýgtiń ýchaskelik polıtsııa ınspektoryArnur Manashevke júgindi», - dedi vedomstvoda.
Volonterdiń aıtýynsha, ol habarlasqanda polıtsııa kapıtany aýrýhanada jatqan.
«Ol týraly tek keshke ǵana bildim. Biraq kútýge ýaqyt bolmady. Sol sebepti, men oǵan qońyraý shaldym. Daýysynan onyń naýqastanyp qalǵanyn sezdim. Keıin polıtsııa qyzmetkeri aýrýhanada jatqandyǵy belgili boldy», - deıdi volonter.
Іstiń barlyq mán-jaıyn aıta otyryp, Saltanat polıtseıge Nadejda Nıkolaevna týraly derekterdi aıtty. Polıtsııa kapıtany Arnur Manashev naýqastanyp qalǵanyna qaramastan eriktige kómektesti. Ol izdegen áıeldiń qaıda jáne kimmen turatynyn anyqtap berdi. Osylaısha, erikti men polıtsııa kapıtanynyń belsendiliginiń arqasynda týystar arasyndaǵy baılanys qaıta jandandy.
Saltanat jaǵdaıyna qaramastan kómek qolyn sozǵan polıtsııa qyzmetkerine alǵys bildirdi.