Aqmola polıtseıleri pagondaǵy arýlarǵa qurmet kórsetti
KÓKShETAÝ. QazAqparat- Aqmola oblysynyń polıtseıleri názik jandy áriptesterin 8-shi Naýryz- Halyqaralyq áıelder kúnimen quttyqtady, dep habarlaıdy QazAqparat tilshisi oblystyq PD baspasóz qyzmetine silteme jasap.
Búgingi tańda Aqmola oblysynyń PD barlyq bólimshelerinde áıelder tabysty eń etýde. Erlermen qatar, názik jandar tergeýshi, kınolog, krımınalıst, jedel ýákil jáne ıývenaldy polıtsııada jumys isteıdi.
«Búgingi kúni Aqmola polıtsııasynda 300-den astam názik jan qyzmet etedi. Merekege oraı saltanatty shara ótip, qyzmette kózge túsken arýlarǵa qurmet kórsetildi. Qyzmette joǵary nátıje kórsetken eń úzdikteri vedomstvolyq nagradalarmen marapattaldy», deıdi vedomstvonyń baspasóz qyzmeti.
Saltanatty sharada Aqmola oblysy polıtsııa departamentiniń basshysy, polıtsııa polkovnıgi Erjan Sádenov quttyqtaý sóz sóıledi. Sonymen qatar, sharada ishki ister organdarynyń ardagerleri-áıelder, qyzmettik mindetin oryndaý kezinde qaza bolǵan polıtseılerdiń jesirleri men analaryna qurmet kórsetildi.
Merekelik shara departamenttiń shyǵarmashylyq ujymynyń oryndaýyndaǵy kontsertik baǵdarlama men Sh.Qusaıynov atyndaǵy Aqmola oblystyq qazaq drama teatry ártisteriniń qoıylymyna ulasty.
