Aqmola polıtseıleri qylmyskerdiń qolynan qaza tapqan áriptesin eske aldy
KÓKShETAÝ. QazAqparat - Aqmola oblysynyń polıtseıleri qyzmettik mindetin atqarý kezinde mert bolǵan áriptesterin eske aldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Departament ǵımaratynda «Aqıqat jolynda» taqyrybymen ótken shara 2001 jyly qandy qol qylmyskerdiń qolynan qaza tapqan Aqmola oblysynyń ishki ister basqarmasynyń medıtsına qyzmetiniń burynǵy basshysy, polıtsııa podpolkovnıgi Botagóz Bıjanova men qyzmettik mindetin atqarý kezinde qaza bolǵan ózge de polıtsııa qyzmetkerlerine arnalǵan memorıaldyq taqtaǵa gúl destelerin qoıý rásimimen bastaldy. Sharaǵa Botagóz Bıjanovanyń týǵan-týystary men jaqyn-tanystary, sondaı-aq, ishki ister organdarynyń ardagerleri men jeke quramy qatysty. Jınalǵandar marqumnyń arýaǵyna taǵzym etip, bir mınýt únsizdikpen eske aldy.
Aıta keteıik, Botagóz Maǵazqyzy Bıjanova 1985 jyly Qaraǵandy medıtsına ınstıtýtyn támamdaıdy. Keıin Arqalyq qalalyq emhanasynyń ýchaskelik dərigeri bolyp jumys istedi. 1991 jyly ishki ister organdary qyzmetine ornalasty. Óziniń qyzmettik jolyn Torǵaı oblysy ІІB EmP statsıonarynyń bastyǵy qyzmetinen bastady.
1999 jyldyń shilde aıynda Aqmola oblysy ІІB medıtsınalyq bóliminiń bastyǵy laýazymyna taǵaıyndaldy. Qyzmet atqarý kezinde Botagóz Maǵazqyzy ózin saýatty, talapshyl basshy retinde kórsete bildi. Əriptesteriniń arasynda syı men qurmetke ıe boldy. 2001 jyly 28 maýsymda Aqmola oblysy ІІBB medıtsınalyq bóliminiń bastyǵy, polıtsııa podpolkovnıgi Botagóz Bıjanovany óz úıiniń kireberisinde qylmysker atyp ketken.
Botagóz Maǵazqyzynyń esimi osy kúni polıtsııa qyzmetkerleriniń máńgi jadynda jəne Aqmola oblysy ІІD eskertkish memorıalynda məńgilikke jazyldy.
Eske alý sharasynda marqumnyń qyzy Dınara Bıjanova men ápkesi Sáýle Maǵazqyzy estelikterimen bólisti.
«Anamyz bizge jylýlyǵyn syılaǵan kún sııaqty boldy. Bizderdiń eńbeksúıgishtigimiz ben keleshekke degen senimizdi nyǵaıtýǵa tyrysty. Eshkimnen eshqashan alǵys kútpeı-aq, adamdarǵa jaqsylyq jasaýǵa asyǵyp turatyn. Búginde anamyzdyń esimi balalary men nemereleriniń jáne áriptesteriniń jadynda máńgi saqtaýly», - dedi qyzy Dınara Bıjanova.
