Aqmola polıtseıleri qaza tapqan áriptesteriniń otbasyna materıaldyq kómek kórsetýde
KÓKShETAÝ. QazAqparat - Halyqaralyq Otbasy kúnine oraı Aqmola oblysynyń polıtseıleri mert bolǵan áriptesteriniń otbasyna materıaldyq kómek kórsetýde, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń deregi boıynsha, Aqmola oblysy polıtsııa departamentiniń bastyǵy, polıtsııa general-maıory Berik Bilálovtiń atynan bir top polıtsııa qyzmetkerleri qaza tapqan áriptesteri Anatolıı Evstahıevıch Drobchaktiń otbasynda bolyp materıaldyq kómek kórsetti.
Aqmola oblysy polıtsııa departamenti janyndaǵy ardagerler keńesiniń tóraǵasy Kenjetaı Jaqypov áriptesi Anatolıı Drobchaktiń jesiri Elenaǵa myqty densaýlyq, tózimdilik tanytyp, jigerli bolýyna tilektestigin bildirdi.
Elena ıÝrevna ekinshi toptaǵy múgedek. Taǵdyrdyń jazǵanyna qaramastan el qatarly ómir súrýge tyrysýda.
Eske sala keteıik, Anatolıı Drobchak ishki ister organdaryndaǵy eńbek jolyn 1990 jyldan bastap burynǵy Tselınograd oblysy Makınsk aýdandyq atqarý komıtetiniń ishki ister bóliminde mılıtsıoner retinde bastaǵan bolatyn. 2005 jyldan bastap Aqmola oblystyq ІІD Bulandy aýdandyq ІІB jalǵastyrdy. Polıtsııa qyzmetinde jalpy eńbek ótinimi 20 jyl.
Óz kezeginde Elena ıÝrevna da baqılyq bolǵan joldasyn umytpaı, artynda qalǵan otbasyna qamqorlyq tanytyp otyrǵan polıtseılerge sheksiz alǵysyn bildirdi.
