Aqmola polıtseıleri izdeýde júrgen 10 qylmyskerdi qolǵa túsirdi
KÓKShETAÝ. QazAqparat - Aqmola oblysynyń polıtseıleri bir táýliktiń ishinde izdeýde júrgen 10 qylmyskerdi ustady, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimeti boıynsha, oblys aýmaǵynda "Іzdeý" jedel aldyn alý sharasy júrgizilýde.
"Sharanyń alǵashqy kúni múlik tonaý, adam jáne esirtki saýdasyna qatysty izdeýde júrgen 10 qylmysker ustaldy. Máselen, oblys ortalyǵynda Reseıdiń Komı Respýblıkasy boıynsha ІІM RF QK 228 babynyń 1 bóliginde (esirtki zatyn saýdalaý jáne jóneltý) qarastyrylǵan qylmysy úshin izdeý jarııalaǵan 36 jastaǵy qylmysker ustaldy.
Sverdlov oblysynyń Ekaterınbýrg qalasy aýmaǵynda memleketaralyq arnaıy operatsııa sheńberinde jeke tulǵaǵa qatysty qylmys jasaǵan qylmysker qolǵa tústi. Er adamnyń bir jyl boıy izdeýde júrgeni anyqtaldy. Al, Túmen oblysynyń Tobolsk qalasynda zańsyz esirtki saýdasymen aınalysqan kúdikti ustaldy.
Sonymen qatar, Kókshetaý, Stepnogor, Ereımentaý, Shortandy, Egindikól jáne Sandyqtaý aýdandary aýmaǵynda izdeýde júrgen qylmyskerler ustaldy", dep málim etti vedomstvonyń baspasóz qyzmetindegiler.
Buǵan qosa, "Іzdeý" jedel aldyn alý sharasy kezinde iz-túzsiz joǵalǵan eki aqmolalyqtyń júrgen jeri anyqtaldy.
