Aqmola polıtseıleri 8 keliden astam gashısh tárkiledi
20 qańtarda josparlanǵan arnaıy operatsııa barysynda Kókshetaý qalasy PB jáne Aqmola oblysy PD esirtki qylmysyna qarsy is-qımyl bólimshesiniń qyzmetkerleri esirtki zattaryn zańsyz ótkizgeni úshin 49 jastaǵy elordalyq turǵyndy ustady.
«Ótken jyly oblys ortalyǵynyń aýmaǵynda jedel ýákilder gashısh esirtki zatyn satýshylardy ustaýdy júzege asyrdy, odan ári tekseris barysynda Aqmola oblysynyń aýmaǵyna esirtkiniń negizgi jetkizýshisi, Astana qalasynyń turǵyny anyqtaldy. Ol 2022 jyldyń jeltoqsanynda shartty satyp alý kezinde 15 gramnan astam gashısh satty. Atalǵan derekke sáıkes QR QK-niń 297-babynyń 1-bóligi boıynsha (Esirtki zattaryn ótkizý maqsatynda zańsyz saqtaý, tasymaldaý) boıynsha sotqa deıingi is júrgizý bastaldy», – dedi PD EQQІQB bastyǵy Vıtalıı Gýdymenko.
Tergeý aıasynda jábirlenýshiniń turaqty jumys orny bolmaǵandyqtan, zańsyz esirtki bıznesin uıymdastyryp, Kókshetaý qalasynyń aýmaǵyna gashısh esirtki quralyn jetkizý arnasyn jolǵa qoıǵany anyqtaldy. Ustalǵan adam jataqhananyń jalǵa alǵan bólmesin sanktsııalanǵan tintý barysynda gashıshtiń eki oramasy, jalpy salmaǵy 8 keli 359 gramnan asatyn uqsas zatty, oralǵan 6 baılam tabylyp, tárkilendi.
Sonymen qatar kúdiktiniń kostıýminiń ishki qaltasynan 450 myń teńge tabyldy. Tergeý kezeńinde astanalyq qamaýǵa alyndy.
Foto: polisia.kz
