Aqmola, Pavlodar jáne Qaraǵandy oblystarynda birqatar jol jabyldy
NUR-SULTAN. QazAqparat – Aqmola, Pavlodar jáne Qaraǵandy oblystarynda boranǵa baılanysty birqatar jol jabyldy, dep habarlaıdy QazAqparat QR ındýstrııa jáne ınfraqurylymdyq damý mınıstrliginiń Telegram arnasyna silteme jasap.
Aqmola oblysynda 23 aqpan kúni saǵat 22.45-te aýa raıynyń nasharlaýyna baılanysty (qar, boran, joldyń kórinbeýi) tómendegi joldarda barlyq kólik túriniń júrýine tyıym salyndy:
1. «Nur-Sultan-Ereımentaý-Shiderti» 16-200 shaqyrymy, Nur-Sultan qalasy men Pavlodar oblysy aralyǵy.
2. «Nur-Sultan-Qabanbaı batyr-Kıevka-Temirtaý» jolynyń 16-51 shaqyrymy, Nur-Sultan qalasy men Qaraǵandy oblysy aralyǵy.
Pavlodar oblysynda 23 aqpan kúni saǵat 22.45-te Aqmola oblysy aýmaǵynda aýa raıynyń nasharlaýyna baılanysty «Nur-Sultan-Ereımentaý-Shiderti» jolynyń 200-254 shaqyrymy, Aqmola oblysynyń shekarasy men Shiderti kenti aralyǵynda barlyq kólik túriniń júrýi shekteldi.
Qaraǵandy oblysynda 23 aqpanda saǵat 22.45-te Aqmola oblysy aýmaǵynda aýa raıynyń nasharlaýyna baılanysty «Nur-Sultan-Qabanbaı batyr-Kıevka-Temirtaý» jolynyń 51-104 shaqyrymy, Aqmola oblysynyń shekarasy men Nura kenti aralyǵynda kóliktiń barlyq túriniń júrýine tyıym salyndy.
Elordada 23 aqpanda aýa-raıynyń qolaısyzdyǵyna baılanysty (qar, burqasyn) «Nur-Sultan-Qorǵaljyn» jolynyń 19-180 shaqyrymy (Nur-Sultan q. – Qorǵaljyn qoryǵy) aralyǵynda avtokóliktiń barlyq túrlerine jabyq.
Eske sala ketsek, buǵan deıin Qostanaı jáne Aqmola oblystarynda birqatar joldyń jabylǵanyn habarlaǵan edik.
