Aqmola ornıtologtary mektep baǵdarlamasyna jańa pán engizbek
KÓKShETAÝ.QazAqparat-Aqmola oblysynda oqýshylardy ekologııalyq tárbıeleý baǵdarlamasyna ornıtologııalyq baqylaý engizý týraly joba əzirlendi, dep habarlaıdy QazAqparat tilshisi.
«Bul jobanyń basty maqsaty oqýshylarǵa ekologııa týraly tárbıe berý jəne elimizdiń keleshegi úshin jaýapkershilikti qalyptastyrý. Oqýshylardy tartý arqyly biz bul jobany tabıǵı ortada qustardy baqylaý arqyly, sondaı-aq, oqý baǵdarlamasyna ornıtologııalyq baqylaýdy qosý jóninde bastama kóterý, aqparattyq jarııalanymdardy keńeıtý, ekologııalyq tárbıe máselesi men mindetterin kóterý arqyly júzege asyrýdy kózdep otyrmyz», deıdi Qorǵaljyn ekologııalyq qoryǵynyń dırektory Quralaı Túsipbekova.
Jobany júzege asyrý boıynsha jumystar 2016 jyly bastaldy. Qonaqúı bazasynda Qorǵaljyn aýdany aýmaǵyndaǵy qustardy baqylaý boıynsha ınfraqurylym jasaldy, qoryq jáne ǵylymı uıymdardan qoldaý kórsetti.
Vdomstvonyń deregi boıynsha, QR Bilim jáne ǵylym mınıstrliginiń zologııa UZI, Qorǵaljyn memlekettik tabıǵı qoryǵy, Qorǵaljyn aýdandyq ákimdigi, Bıoalýandyqty saqtaý qory, Ulttyq Delfıı komıteti, Amerıkanyń ornıtologtar qaýymdastyǵy jobanyń áriptesteri.
«2018 jyldyń tamyzynda jobany QR AQSh elshiliginiń kishi granty qoldady. Alty aı boıy grandtyq qoldaý baǵytynda qustardy baqylaý boıynsha avtorlyq ádisteme jasaý, oqýshylardy ár deńgeıde daıarlaý boıynsha 3 oqytý baǵdarlamasyn qurastyrý, ornıtologııalyq ortalyqty materıaldar jáne jabdyqtarmen qamtamasyz etý, baǵdarlamany testileý maqsatynda oqýshylardyń 4-5 top bolyp kelýin uıymdastyrý tárizdi jumystar atqarylady.
Sonymen qatar, QR Bilim jáne ǵylym mınıstrligi úshin jobanyń pikirleri men nátıjeleri boıynsha, áriptesterdi qoldaý arqyly ıdeıany damytý jónindegi usynys ázirlenedi.
Qazirgi kezde, joba júzege asyrylý ústinde, oǵan oqýshylardyń alǵashqy tobynyń ornıtologııalyq ortalyqta bolýy aıqyn dálel.
