«Aqmola óńirlik garnızonynyń úzdik júrgizýshisi» ataǵyna baıqaý-konkýrstyń qorytyndy kezeńi bolyp ótti
Baıqaý fınalynda áskerı júrgizýshiler is júzinde ózderiniń sheberlikterin kórsetti. Olar KAMAZ-43114, GAZ-3302, VAZ-21214 avtomobılderimen mánerlep júrgizý jáne manevr jasaý elementterin, «segizdikten», ırek joldan, jyra kópirinen jáne serpantınnen múdirmeı ótý tapsyrmalaryn oryndady. Tóreshiler konkýrsqa qatysýshylardy bes baldyq shkala boıynsha baǵalady.
Jaýyngerlik saıystyń qorytyndysy boıynsha 83205 áskerı bóliminiń aǵa serjanty Esov Medet úzdik áskerı júrgizýshi Kýbogyn jeńip aldy. Qurmetti ekinshi oryndy 23366 áskerı bólimi starshınasy Ahmetov Qolqanat ıelendi. Úshinshi oryn 48411 áskerı bólimi serjanty Ormanov Maqsattyń enshisine tıdi. Baıqaý jeńimpazdary syılyqtarmen jáne gramotalarmen nagradtaldy.
«Áskerı júrgizýshi kásibin keń nasıhattaý maqsatynda «Aqmola óńirlik garnızonynyń úzdik júrgizýshisi» ataǵyna baıqaý-konkýrsty jyl saıyn ótkizý josparlanýda. Bıylǵy konkýrs áskerı qyzmetshiler sheberliginiń joǵarylyǵyn jáne armııamyz kásibıliginiń jańa sapalyq deńgeıin kórsetti», - dep 83205 áskerı bóliminiń komandıri polkovnık Aıdar Ábdirahman atap ótti.