Aqmola obysynda tótenshe jaǵdaı kezindegi kommýnaldyq tólemniń 1,5 mıllıard teńgesi óteledi

KÓKShETAÝ. QazAqparat – Tótenshe jaǵdaı kezinde kommýnaldyq qyzmetter úshin aqmolalyqtardyń 1,5 mıllıard teńgesi óteledi. Bul týraly aımaq basshysy Ermek Marjyqpaevtyń tóraǵalyǵymen ótken ákimdik májilisinde aıtyldy, dep habarlaıdy QazAqparat tilshisi ákimdiktiń baspasóz qyzmetine silteme jasap.

Májiliste oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Ivan ıÝrchenko tótenshe jaǵdaı kezinde turǵyndardyń kommýnaldyq qyzmetteri úshin ótemaqy tóleý máselesi týraly aıtyp berdi.

Onyń sózinshe, mundaı kómek azamattarǵa 7 canat boıynsha beriledi. Osy krıterılerge sáıkes, oblystyń 50 myńnan astam turǵyny kommýnaldyq qyzmetter úshin 15 myń teńge ótemaqy alady. Kommýnaldyq qyzmetter úshin ótemaqy qarajaty birden tutynýshylardyń jeke shotyna aýdarylady. Olar 1, 2, 3 toptaǵy múgedekter, múgedek bala tárbıelep otyrǵan otbasylar, kópbalaly otbasylar, memlekettik mindetin oryndaý kezinde kóz jumǵandar, soǵys ardagerleri men múgedekteri, jáne olarǵa teńestirilgen tulǵalar, eń tómeńgi zeınetaqy alatyn zeınetkerler, ataýly áleýmettik kómek alatyn azamattar, onyń ishinde jalǵyz basty ardagerler.

Kommýnaldyq qyzmetter boıynsha shyǵyndy óteý úshin tutynýshylar aqparattyq júıe arqyly ótinish beredi, eger ol bolmasa jergilikti atqarýshy organdardaǵy call-ortalyq arqyly jeke sáıkestendirý nómiri, áleýmettik statýsy jáne jeke shoty málimetin usynýy arqyly júzege asyrylady.

Osy rette, kommýnaldyq qyzmetterdi usynýshylar ár aıdyń 25-nen keshiktirilmeı tólem jasalǵannan keıin jergilikti atqarýshy organdarǵa bıýdjet qarjatynyń maqsatty jumsalǵandyǵy týraly esep berip otyrady.

Aımaq basshysy Ermek Marjyqpaev turǵyndar arasynda uıymdastyrý jáne túsindirý jumystaryn júrgizýdi, aıtylǵan sanattaǵy azamattardyń kommýnaldyq qyzmetteri úshin shyǵyndy óteý qarajatyn jedel berýdi qamtamasyz etýdi tapysyrdy.

«Kredıtorlyq qaryzy bar aýdandar ony joıý týraly naqtyly shara qoldanýy tıis. Ózge máseleler boıynsha bizge qosymsha taǵy jınalyp, barlyq máseleni talqylap, sheshý joldaryn qarastyrýymyz kerek», - dep atap ótti aımaq basshysy.

Aıta keteıik, QR Indýstrııa jáne ınfraqurylymdyq damý mınıstrligi osyǵan deıin tótenshe jaǵdaı kezinde karantın rejımi engizilgen aýmaqtardaǵy eldi mekenderge kommýnaldyq qyzmetterdi jetkizip berýshilerdiń shyǵyn óteýdiń erejesin bekitken bolatyn.