Aqmola oblysynyń joldarynda 800-den astam kólik keptelisi oryn aldy
KÓKShETAÝ. QazAqparat - Búgin tańerteń Şýchınsk qalasynan Nur-Sultan qalasy baǵytyndaǵy jolda, Nur-Sultan qalasynan Kókshetaý, Qostanaı baǵytyna qaraı shyǵa beriste 800-den astam jeńil jáne júk avtomashınasynyń keptelisi oryn aldy, dep habarlaıdy QazAqparat QR TJM baspasóz qyzmetine silteme jasap.
«Saǵat 13.15-te Şýchınsk qalasy baǵytynda 300-ge jýyq avtomashınadan turatyn avtokólik quraldarynyń kolonnasy polıtsııa qyzmetkerleriniń jáne jol qyzmetteriniń jetegimen jolǵa shyqty. Sonymen qatar 500 avtomashınadan jasaqtalǵan kolonna Nur-Sultan qalasyna shyqty. Saǵat 15.30-da Şýchınsk jáne Nur-Sultan qalalaryna avtokólikterdiń kirýine tyıym salyndy. Qazirgi ýaqytta Qostanaı oblysynyń avtojolynda avtomashına keptelisi joq», dep habarlady QR TJM resmı ókili Talǵat Ýálı.
Eske sala keteıik, 6 aqpanda elimizdiń segiz óńirinde Nur-Sultan qalasyndaǵy, Soltústik Qazaqstan, Aqmola, Qostanaı, Pavlodar, Qaraǵandy, Qyzylorda, Shyǵys Qazaqstan oblystarynda avtojoldar jabylǵan bolatyn.
Azamattardy aýa-raıynyń ózgeristerin baqylaýǵa shaqyramyz. Daýyldy eskertý týraly habarlamalardy tyńdap, qajetti saqtyq sharalaryn saqtańyzdar.
Qys maýsymynda kólikpen alys joldarǵa shyqpas buryn, aýa raıy boljamyn mindetti túrde zerdelegen jón.
