Aqmola oblysynyń Jibek joly aýylynda jańa balabaqsha ashyldy
Aqmola oblysy bilim basqarmasy baspasóz qyzmetiniń málimetinshe, mektepke deıingi mekemede balalar eki topqa bólinip, memlekettik tilde bilim alady. Jalpy, 35 orynǵa shaqtalǵan balabaqshada balanyń jan-jaqty damýy úshin barlyq jaǵdaı jasalǵan. Jatyn bólme, sportzal, oıyn bólmeleri men ashanasy bar. Negizgi tárbıeshilerden bólek, balalarmen aǵylshyn tili jáne horeografııa muǵalimderi jumys isteıdi, taekvondomen aınalysýǵa múmkindik bar.
«Biz Jibek joly aýylynda dál osy balabaqshanyń ashylǵanyna óte qýanyshtymyz. Meniń balam logopedke barady. Sonymen birge, munda Montessorı men Voskobovıchtiń ádistemesi de qoldanylady. Osy arqyly balalarymyzdyń ózin-ózi damytýǵa yntalanyp, shyǵarmashylyq áleýetin qalyptastyrýǵa múmkindigi bar», - deıdi balabaqsha tárbıelenýshisiniń anasy Gúlzat Terekbaeva.
Aıta ketsek, búgingi tańda Aqmola oblysynda barlyǵy 600 mektepke deıingi uıym, onyń ishinde 255 balabaqsha men 345 shaǵyn ortalyq jumys isteıdi.
